Н. диэн Уус-Алдан дэриэбинэтигэр саҥа история учуутала кэлбит үhү биир сыл. Бастаан саҥа кэлбиччэ ыалга уонна учууталлар "общежитиетыгар" олорбут.
Онтон Глава: "Ким да олорбот дьиэтэ баар, ону оҥостон олор" - диэн этии киллэрбит (муостата суох эбит). Толкуйдаан баран ол киhи сөбүлэспит. Глава эҥин көмөтүнэн саҥа муоста маhа заказтаан пилорамаҕа оҥотторбут үhү, кэлин оҥорбуттар, онтуката баара сыыhа мээрэйдээн дуу, хайдах дуу, оруобуна оhох иннигэр үс хас мас курдук тиийбэтэх. Чугастыы ыал эргэ дьиэ көтүллүбүт муостатын ылан "салҕаммыт" үһү. Дьэ, дьиэтигэр көhөн "hуу" буолбучча. Сайын этэҥҥэ ааспыт. Хаар түспүт. Дьэ оhоуу күүскэ оттор кэм үүммүт. Арай доҕоор, түүн уhуктубута оhоҕун айаҕын аттыгар биир эмээхсин кыра олоппоско табах тарда олорор үhү. Киhибит дьэ ынырыктааҕын куттаммыт да хайыыр да кыаҕа суох эбит. Ити курдук сүрэх ыарыыта буола - буола кыстаабыт. Эмээхсин түүн буолла эрэ көстө турар үһү. Кэлин эргэ маhын уларыппытын кэннэ туох да көстүбэт буолбут.
Василий Саввинов-Парников 17 ахс 2009 2:10 Vkontakte.ru сайттан.