Оскуолаҕа үөрэнэ сылдьан сааhыары сайын подругам Викушалыын Үөттээх диэн сиргэ ынахтара сүтэн хаалбытын көрдүү бардыбыт.

Баран истэххэ Тойук Ойбоно диэн сир баар, ону ааhан истэхпитинэ арай куп-куhаҕан, туох эрэ сытыйбыт ыарахан сыта аҥылыйда (фуууу, беееех!!!!) Айахпытын, муннубутун саба туттан баран аастыбыт. Үөттээхпитигэр тиийэн сымыйанан ынахпытын онон-манан көрбүтэ буолан баран төнүннүбүт. Тойук Ойбонугар тиийдибит, арай били куhаҕан сыппыт кэлбэт. Ол-бу диэки көрөн иhэммин, ортотугар кыра уулаах сыhыы уҥуор, ойуур кытыытыгар халлаан күөх таҥастаах киhи (арааhа дьахтар дуу, эмээхсин дуу) турарын көрдүм, онтум сотору буолан баран эргиллэн сүтэн хаалла. Улаханнык аахайбатым, хараҕым мөлтөх буолан, баҕар тугу эрэ сыыhа көрбүтүм буолуо. Онтон Викушам тохтуу биэрдэ: "Доо, иhит эрэ!", "Тугу?", "Наhаа истигэммин диэн киhиргээччигин дии оттон, эмээхсин хаhыытыыр дии!", "Ханнаааа???!!!!" Баттахпыт туран хаалла, дьиэбитигэр хайдах кэлбиппитин өйдөөбөккө хаалбыппыт... Ол аны туран күрүлүүр күнүс этэ. Киэhэ Викуша ийэтигэр кэпсээбиппит, ол Тойук Ойбонугар хантан эрэ ферма дьиэтин көтүрэн аҕалан туппуттара, соччото суох салгыннааҕынан аатырар үһү, ону биhиэхэ ким да кэпсээбэтэх, кэпсээбиттэрэ да буолуо, ону аахайбатыбыт ини... Викушам иhиттэҕинэ эмээхсин саната: "О5олоор, кэлиин-кэлин!" - диир курдук ыҥырар ис хоhоонноох үһү, мин буоллар тугу да истибэтэҕим.

P.S. Подругам аах били сvппvт ынахтара ол же киэhэтигэр этэннэ кэлбит этэ

Лина Семенова, 15 ахс 2009 16:0 Vkontakte.ru сайттан.