Танха саҕана этэ. Подругам дэриэбинэттэн тэйиччи Кыым бааhыната диэн сиргэ олороро. Оскуолабытын саҥа бүтэрбит дьон кылааhынан көрсөн онно бүлүүhэ сүүрдүбүтэ буолабыт, икки күн муhуннубут быhылааҕа.

Мин дьиэбэр ону-маны гынан биирдэ түүн 12 - ни ааспытын кэннэ бардым (дэриэбинэҕэ все свои, туох куттала кэлиэй). Кыым бааhынатыгар аны конюшня, урукку ферма эҥин бааллар. Онно улахан суолунан баран иhэн ыллыгынан туоруугун. Ыйдаҥалаах, бары-барыта чуолкай баҕайытык көстөр. Баран иhэн арай туоруур ыллыкпын булбатым! "Не поняла" - диэн буолла. Чэ, оттон улахан суолунан да барыам диэтим. Арай утары сыарҕалаах аттаах дьон айаннаан иhэллэр, ыттаахтар эҥин. Сылгыhыттар быhылаах, "позор" дии, "со5отоҕун конюшняҕа хайыы баран иhэр" диэхтэрэ дии санаатым эрээри, атахтарым бэйэлэрэ барар курдуктар. Кыhыҥҥы түүн аны саҥа-иҥэ, тыас-уус улахан баҕайытык иhиллэр дии, оттон бу иhээччилэрим адьас туох да тыаhы таhаарбаттар, эмиэ да чугаhаан испэттэр, сатаатар ыттара да үрбэттэр. Эмискэ көхсүм тымныйда, турунан кэбистим суол ортотугар, онтон сыыр үрдүгэр дьон бөҕө саҥата иhилиннэ, онтум кыра оҕолор эмиэ Кыымҥа баран иhэллэр эбит, кинилэри көрдүм, онтон аттаахтарбар хайыспытым "сыттара да суох" диэбит курдук... Оҕолору кытта аргыстаhан салгыы бардым, онтум били туоруохтаах ыллыгым аттыгар ол курдук тэпсэҥнии турбут эбиппин. Дьоммор тиийэн кэпсээтим, бары куттанан дьиэлэригэр тарҕаспыттара.

Лина Семенова. 6 ахс 2009 14:46 Vkontakte.ru сайттан