Метеорологтар этэллэринэн маннык былыттар урут суохтара эбитэ үһү. Бастакытын "Асператус" (Asperatus) диэн ааттаммыт бу былыттары дьон сэргэ 1953 сылтан бэлиэтии көрбүт.
Бу былыттар көннөрүттэн атыннара диэн, будулҕаннаах муора курдук олус уустук быһыылаахтар, хараҥа, киһини куттуур, кутун - сүрүн баттыыр ыарахан көрүҥнээхтэр. Дьиктитэ диэн төһө да амырыын көрүннэннэллэр, бу былыттар баччааҥҥа дылы туох да буурҕата - силлиэтэ суох эбиттэр. Ол да буоллар үгүстэр "апокалипсис былыттара" диэн бүтэйдии сэрэйэн салла саныыллар эбит.
Британскай Королевскай метеорологическай общество исполнительнай директора профессор Пол Хардакер этэринэн бу былыттар көрүҥнэринэн, быһыытынан-таһаатынан, өҥүнэн буоллаҕына олус элбэх сииги илдьэ сылдьар буолуохтарын сөп, ол эбэтэр бу былыттар тахсалларыгар туох эрэ сүүнэ элбэх энергия бараммыт буолуон наада.
Билиҥҥитэ учуонайдар бу былыттар хантан кэлэллэрин уонна туох - ханнык буолалларын чопчу билэ иликтэр.
http://copypast.ru, http://ok.ya1.ru, http://www.google.ru сайттар материалларыттан.