Кустаан иккиэ буолан алаас устун үүтээммитигэр баран иһэбит. Атаһым табахтаары испиискэ таһаарда, табаҕын уматтан баран испиискэнэн кыратык онньото. Ол курдук алааспытын кэпсэтэ - кэпсэтэ туоран истибит. Арай туох эрэ, ким эрэ көхсүбэр тугу эрэ этэр курдук.

Хайдах эрэ аахыйбатым. Онтон аны ол тыас улаатан дуорайан (эхо) халлаантан иһиллэр курдук буолла. Атаһым кэпсээбитин курдук кэпсиир да кэпсиир. Ону мин ыксаан эмискэ эргийдим. Туох тыаһыырын билээри. Көрбүтүм арай... Алааспыт хап - хара буруонан умайан эрэр эбит. Саабытын, боторуоннарбытын туора маары быраҕатаан баран умуллара сүүрдүбүт. Сапыкыбытынан биэдэрэ оҥостон өр да өр умуллардыбыт. "Һуу" эрэ диэтэхпит ди. Кырдьык туох сэрэтэн этэ сатаабыта буолуой?

Егор Си. 5 ахс 2009 0:29. Vkontakte.ru сайттан.