Мин биир дьикти түгэни кэпсиэм. Сэтинньи ый ортотун эргин. Мин табаарыспынаан куобахха туhах иитэн төннөн иhэбит (ол биhи туhахтыыр сирбит аата Эбээн хайата диэн, дэриэбинэбититтэн 6 км тэйиччи сытар). Ол төнннөн истэхпитинэ кэнибитигэр ыт саҥата бөҕө үрэр...
Арай эргиллибиппит 12 табалаах киhи ойоҕуспутунан аастылар. Биhи хайдах эрэ кыл түгэн соhуйан туран хааллыбыт, онтон өй ылан куоттубут. Табаарыhым дэлээнэ суолун устун сүүрэ турда, мин айан суолугар сүүрэн таҕыстым. Дьиэбэр кэлбитим барытын истибиттэр, дьонум көрдүү бараары сылдьалар. Сарсыҥҥы күнүгэр нэhилиэк эр дьоно ол кэлэн ааспыт "эбээн" дьонун суолун көрдүү тахса сылдьан булбатахтар этэ. Ол кыhын дэриэбинэбитигэр "эбээннэри" көрбүт булчуттар элбэхтэр этэ. Мин дойдубар айылҕа таайылыбатах таабырына олус элбэх. Ол түгэн кэннэ көрө иликпин.
Егор Божедонов. 3 ахс 2009 20:51 Vkontakte.ru сайттан