Саха сирин 50 кыраадыстаах тымныыта өрүстэри, күөллэри балтараа миэтэрэлээх мууһунан бүрүйэ тоҥорор. Оттон тайҕа Унгра диэн үрэҕэ оннук хабараан тымныыга бэриммэт. Ол үрэх Юхта диэн эбэҥки бөһүөлэгин аатынан, Алдан хайалаах сиринэн ааһарыгар 10-тан тахса км сиргэ хаһан да кыһын буолбат.
Геологтар туоһулуулларынан, Унгра түгэҕэр итии дьүүктэлэр тыгаллар. Хотугу дьон сынньанар сир оҥостубут бу кэрэхсэбиллээх миэстэлэрин Полярнай Ривьера диэн ааттыыллар.
Бу хайа учаастага күн диэки сытар. Кыһын онно температура тас өттүнээҕэр, 15 кыраалыска тиийэ буолар. Манна үүнээйи олус үүнэр. Хрйуу ыарҕа ортотугар оннооҕор дьиикэй виноград да үүнээччи. Саас эрдэ, тула эргин хаарынан бүрүллэ сыттаҕына, манна сибэкки тыллар. Чугас эргин тыаларга үүнэр мастардааҕар манна үүнэр бэс уонна тиит мастар быдан үрдүктэр уонна улахан сабардамнаахтар.
Саха ыалын халандаара - 2012