Өлүөнэ өрүс аатырар түөр уон арыыларыгар бултуур киһи кэпсииринэн "Буранынан" төттөрү-таары сылдьар ыырыгар, 50-70 миэтэрэ кэриҥэ  уһуннаах өрүү чоҥкуйа кырыаран хааларо сир баар үһү. Тоҕо, туохтан оннук кырыарара таайыллыбат таабырын диир.

Оттон Куокуй бөһүөлэгиттэн үс километрдаах сиргэ трактор биир ускуораһынан айаннаан иһэн, эмиэ 60-70 миэтэрэ сиргэ таһаҕаһын кыайбатах оҕус курдук эмискэ бытаарар сирэ баар. Ол сири ааста даҕаны эмиэ урукку тэтимин ылан барар. Бу сиргэ оннук ханнык эрэ  күүстээх магнит тардарын курдук буолар. Ону үөрэхтээхтэр туох диэн быһаараллара эбитэ буолла.

Кальвицаҕа 1972, 1984, 1996 сс. саас Бөргө үрэх эстэригэр өрүһүн балыга  өлөн устубута. 2008  сыллаахха улахан харыы тахсан сатаан кэтээн көрбөтөхпүт. Ити туһунан 1972 сыллаахха Гуляев Бүөтүр диэн 90-тан  тахсыбыт оҕонньортон ыйыппыппар: "Тоҕойуом, айылҕа бэйэтэ айбытын сотору-сотору көҕүрэтэр. Урут эмиэ хаста да көрбүтүм", - диэбитэ. Ити тоҕо 12-лии сыл буола-буола хатыланара буолуой? Анал үөрэхтээх дьон ону туох диэн быһаараллара буолла. Атын үрэхтэр балыктара тоҕо эрэ итинник өлбөт ээ.

Иван Спирдонов, тыыл, үлэ ветерана. Кэбээйи, Куокуй. "Саха сирэ" хаһыат от ыйын 23 күнэ, 2009 сыл.