Дмитрий Атласов

Маны аҕам кэпсээбитэ. Ити 70 - с сыллардаахха буолбут түбэлтэ. Бэйэҕит да билэргит буолуо, былыр, Сэбиэскэй былаас саҕана оҕолор оскуолаҕа хаалан дежурстволыыллар эбит, ол эбэтэр муоста сууйаллар, тугу эрэ оҥороллор.

Дьэ ол курдук аҥам табаарыһын кытта киэһээ оскуола муостатын сууйа барбыттар (кыhын эбит). Тиийэн сууйа сырыттахтарына арай коридорга көрбүттэрэ кыра оҕо турар үһү, сирэйин көрдөрбөтөх. "Эс, бу оҕо хантан кэллэ, оскуола хатааһыннаах этэ буотта" - дии санаабыттар. Ол эрэн араас буолуон сөп, баҕар хаалан хаалбыта эҥин буолуо дии санааннар ол оҕону "дьиэлээ" эҥин диэбиттэр - барбатах, хата күлэ-күлэ куотан хаалбыт. Аҕам кыhыйан эккирэппит, кэһэтээри. Онтуката баара хата кимнээҕэр түргэнник сүүрэр эбит, аҕам сылайыар диэри эккирэтэ сатаабыт да сиппэтэх. Ол оҕо биир хараҥа кылаас иһигэр киирэн хаалбыт, аҕам табаарыhыгар: "Киирэҥҥин тут" - диэбит. Табаарыhа хараҥа хоско киирбит, уоту холбообута ол оҕото муннукка кэннитинэн турар эбит. Дьэ туттум диэбитэ ол оҕото кыра оҕо буотах эбит: кып-кырдьаҕас сирэйдээх оҕонньор үһү, уонна сүтэн хаалбыт. Хостон куотан тахсыбыт, аҕабар: "Киһи буотах, иччи эбит" - диэбит. Оскуолаттан ааннарын да хаатаабакка дьиэлэрин диэки сүүрэ турбуттар. Дьэ ол курдук. Кэнники дьонтон ыйыппыттара дьиэ иччитэ (домовой) буолуо диэбиттэр.

vkontakte.ru сайттан. "Иччилээх кэпсээннэр" группаттан. 10 сэт 2009 12:40