Юрий Шарин

Хаһан эрэ убайбын кытары бултуу барбыппыт. Күһүн этэ, борук сорук буолбутун кэннэ, киһи хараҕа биэс миэтирэттэн ордугу да көрбөт буолбута.

Убайым: "Чэ, дурдата булан киирэн сытыахха" - диэн буолбута. Күөл кытыытыгар син киһилии дурда буламмыт киирэн сыттыбыт, мин утуйан хаалбытым. Арай убайым анньыалаан уһугуннарда: "Бардыбыт мантан" - диэтэ, ыксаабыт аҕай харахтаах этэ. Таһырдьа өссө да хараҥа этэ, мин ыйыталаһыы бөҕөтө: "Тоҕо бардыбыт" - диэн. Онтон убайым ыраатан, кутаа эҥин оттон баран кэпсээтэ: Утуйа сыттахпына көхсүбүттэн сир аннытан киһи кууста, тымныы баҕайы илиилээх, кыайан хамсаабат да буолан хааллым, эмээхсин куолаһа: "Мин манна сытабын, тоҕо киһи үрдүгэр кэлэн сыттыгыт, барын мантан" - диэн бардьыгынаата, уонна ыытан кэбистэ, ону туран баран куоттум" - диэбитэ.

vkontakte.ru "Абааһылаах кэпсээннэр" группаттан.