Изольда Захарова

10-с кылааска үөрэнэ сырыттахпытына барыбытын: "Практикаланаҕыт, хотоҥҥо саах күрдьэҕит дуу, ыстаадаҕа көмөлөһө тахсаҕыт дуу?" - диэтилэр. Биһиги 5 кыыс буолан ыстааданы таллыбыт, атыттар саах күрдьэр чиэскэ тигистилэр.

Ол курдук 5 күҥҥэ салайааччыбытын кытта ыстаадаҕа таҕыстыбыт та5ыстыбыт. Тиийэн үчүгэй баҕайытык дьонун кытта биир тыл булсан ирэ - хоро бэйэ дьоно буолан хааллыбыт. Биһиэхэ биир дьиэни биэрдилэр, бэйэтэ даҕаны 2 эрэ дьиэ баар этэ. Бэйэлэрэ кухнялаах дьиэҕэ олороллор эбит. Ол курдук 3 күн практикаланныбыт, иһит сууйабыт, ас астыыбыт, дьиэ хомуйабыт, муус тиэйэбит, сороҕор табалары үүрэ барабыт, чэ элбэх. Онтон төрдүс күнүгэр бары мустан баран кухнялах дьиэҕэ абааһылааҕы кэпсэтэргэ былааннаныбыт. Ол кэмҥэ били дьиэҕэ (олорор дьиэбитигэр) салайааччыбыт кыра оҕотун кытта утуйа сыппыттара. Ол курдук түүн 5 чааска диэри кэпсэттибит, сатахха киһи этин тардар кэпсээннэр, кэнникиннэн куттанан манна утуйохпут эҥин дэстибит. "Салайааччыгыт соҕотох ди, дьиэҕитигэр баран утуйун" - диэтилэр. Ол курдук биир киһини эрэй бөҕөнөн ааттаһан доҕор оҥостон дьиэбитигэр утуйа бардыбыт, таһырдьа хабыс хараҥа, брр. Онтон дьиэбитигэр киирбиппитигэр салайааччыбыт: "Маарыын ити эһиги тыаһаабыкыт дуо?" - диэтэ, биһиги: "соох" - диэтибит, ону: "Оччоҕо таһырдьа табалар тыастарын истибитим буолуо" - диэтэ. Ол кэннитэн оруобуна 1 сыл ааста. Кэнники истибиппит салайааччыбыт ол дьиэҕэ сыттаҕына ким эрэ дьиэ таһыгар хаамыталан баран дьиэ иһигэр киирэн дэлби тыаһаан баран тахсыбыт, ону биһигини куттаныахтара диэн эппэтэх. Дьиҥэр ол дьиэ сибиэннээх үһү, хаһан эрэ киһини быһахтаан өлөрбүттэр. Бу саас онно практикалана барбыт оҕолор бары кухнялаах дьиэҕэ олорон баран кэлбиттэр этэ, ол дьиэҕэ саллан олорботохтор үһү.

vkontakte.ru сайттан.