Изольда Захарова
Мин эһээм өлбүтэ 9 хонугар бары сиэр быһыытынан ас бэлэмнээбиппит, оронун оҥорбуппут, уонна ааны аһаҕас хаалларан баран утуйбуппут.
Арай утуйар утуйбат икки ардынан сыттым, ол сыттахпына эмиэ даҕаны ким эрэ тыаһыырга дылы (түүн 3 эҥин чаас курдук буолуо), онтон эмискэччи нухарыйан истэхпинэ наһаа ынырыктык таһырдьатааҥҥы ааны күүскэ баҕайытык сабар тыас иһилиннэ, уһукта биэрдим, дөлбү сөхпүтүм. Онтон сарсыарда туран дьоммор кэпсэбиппэр дөлбү соьуйбутара, эбээм кухняҕа ким эрэ тыаһыырын эмиэ истибитим диэбитэ, ол эрэн аан тыаһын мин эрэ истибиппин.
Онтон 40 хонугар эбээлээҕим тыаҕа сырыттахтарына эмиэ үгэс быһыытынан ас бэлэмнээбиттэр, тууһу эҥин уурбуттар. Уонна утуйбуттар, арай эбээм түүлүгэр эһээм хантан эрэ дэлби сылайан кэлбит, уонна: "туох ааттах ыраах олороҕутуй, нэһиилэ буллум" - дии - дии сыыллан киирбит. Онтон эмискэччи эбээбин быраата уһугуннарбыт: "Тур, бөһүөлэктиэхэ" - диэбит. Онтон арай эбээм туран остуолга тиийбитигэр били тууска улахан баҕайы тарбах суола хаалбыт үһү... (Оннук хааллараллар үһү)...
Vkontakte.ru "Иччилээх кэпсээннэр" группаттан.