Сергей Самыров
Оҕо сылдьан 14 саастах эрдэхпинэ күһүөрү, убайым уонна убайым табаарыһа буолан кустуу бардыбыт.
"Юпитер" матысыкылынан алааспытыгар тиийэн чэйдээн, аһаан - сиэн баран дугдабытыгар киирэн кэтэһэ олордубут, кустарбыт өр да өр кэлбэтилэр, ол иһин убайдааҕым арыгыларын ойутан таһааран иһэн бардылар, оннук гынан бүтэрдилэр, "бытыктара умайда" уонна миигин хаалларан "сотору кэлиэхпит" диэн баран дэриэбинэҕэ айанныы турдулар. Мин дугдаҕа кус кэтии олордум, барбыттара икки - үс чаас буола, дьонум кэлбэтэр. Онтон аргыый ардахтан барда, хап-хара былыт үрдүбэр кэлэн этиннээх ардаҕынан курулаабытынан барда. Дугдам да диэхтээн, барыта көндөй түһэ турар. Ол олорон икки сүүсчэкэ миэтэрэ кудукка тыа быыһыгар былыргы өтөх баарын өйдөөн кэлэн онно сүүрдүм. Өтөххө киирээт этим - сииним тоҥмутунан барда, "чэ хайыахпыный" диэн испиискэнэн уоттанан чүмэчи көрдүү сатаатым да булбатым, чугас турар наараҕа тиийэн сыттым, испэр ынырыктык куттанным. Таҥнары хайыһан сыттым, сатаан өр баҕайы утуйбатым. Аны саҥардыы утуйуохча буолан эрдэхпинэ этин ынырык күүскэ саайда, олох ыбылы куттанан олоро түстүм, арай ол олорон иһиттэхпинэ утары турар наара анныгар оҕо ытыыр курдук куолаһа иһиллэр. Уолуйан ис-испэр тоҥон,таспар тиритэн хайдах да буолуохпун билбэтим, онтон өтөх таһыгар түннүк диэки дьахтар часкыйбытын истэн биирдэ өйдөммүтүм дугдабар олорор этим. өйдөнөн кэлэн аргыый суолга тахсан, дьиэм диэки хааман тиийбитим. Убайдарым дэриэбинэҕэ бараннар мин туспунан умнан кэбиспиттэр, салгыы аргылаабытар. 7 сыл ааста, ол түбэлтэ буолбута...
Vkontakte.ru "Иччилээх кэпсээннэр" группаттан.