Сардана Бурцева

Сайын от кэмигэр, биир оҕонньор алааһа соччо үүммэтэх, онон быраҕыллыбыт, оттоммот сир баарыгар барарга бэлэмнэммит. Сиэн икки уолаттарын иддьэ барбыт. Ол сир абааһылааҕын иһин ким да тыыппат үһү.

Дьэ тиийбиттэр. Быраҕыллыбыт өтөххө тохтообуттар, малларын хостообуттар хайаабыттар. Киэһээҥҥэ диэри үлэлээбиттэр, онтон өтөхтөрүгэр киирэн утуйарга бэлэмнэммиттэр. Оҕонньор итиннэ икки ытын иддьэ барбыт эбит, биирэ кырдьаҕаһа өтөххө кинилэри кытта киирбит,эдэрин таһырдьа хаалларбыт. Арай эдэр ыттара үр да үр буолбут, онтон эмискэччи тохтоон хаалбыт. Оҕонньор куттаммыт, ол кэннэ туох эр ааны тарт да тарт буолбут, оҕонньор кырдьаҕас ытыгар эппит: "Бу ааны аддьаттаҕына үрдүтүгэр ыстанаар, биһиги түннүгүнэн куотуохпут" - диэбит (ыта өйдөөх баҕайы үһү). Дьэ абааһы ааны аддьатан киирбитигэр ыт үрдүгэр ыстаммыт, онтон оҕонньордоох түннүгүнэн куопуттар. Аттарыгар олороот элээрдэ турбуттар. Онтон оҕонньор кэннитин хайыһан көрбүтүгэр - эһэ курдук эрээри ортотугар тэриэлкэ саҕаччы кыһыл харахтаах абааһы эбит. Онтукайа эбиитин киһилии хаһыылаах эбит: "Син биир тутан өлөрүөм!" - диэн хаһыытыы хаалбыт.

Vkontakte.ru "Иччилээх кэпсээннэр" группаттан.