Дмитрий Терехов

Былыр өрдөөҕүтэ сэбиэскэй былаас саҕанааҕы кэм эбит. Ол кэмнэргэ оскуола оҕолоро сиргэ хас да хоно сытан эрэн оттуур буолаллара үһү. Дьэ биир үтүө күн сыралаах үлэ кэнниттэн киэhэҥҥи аhылык кэннэ бары утуйардыы сорунан ороннорун булуммуттар.

Арай түүн хабыллар ортото ыаллыы палатка диэки кыыс оҕо сарылыы - сарылыы, ытыы - ытыы часкыйара иhиллибит. Дьэ туох ааттаах хаhыытай - ыhыытай диэннэр бары ол палатка диэки ыстаммыттар. Сүүрэн тиийэн палатка иhигэр чүмэчи уматан көөртөрө биир муус манан баттахтаах, кип киэҥ харахтаах, салыбырыы олорор кыыс - дьахтары көрө түспүттэр. Бары соhуйан, ыксаан, уолуйан хаалбыттар. Онтон өйдөөн көөртөрө бииргэ үөрэнэр кыыстара олорор эбит. Аҥар илиитигэр киhи илиитин дьардьаматын тутан олорор эбит.
Дьэ кэпсээни эргитэн, "хантан илии дьардьамата кэллэ? Тоҕо муус маҥан баттахтаах буоллай?" - диир буолаххытына маннык: Киэhээ аhылык кэмигэр араас иччилээх кэпсэннэри, сэhэннэри кэпсэппиттэр, ол онно кыыс: "Мин итэҕэйбэппин, мин куттаммаппын адьаhын" - диэбит эбит. Ону икки табаарыстыы уолаттар сүбэлэhэн бараннар хаадьылыырга соруммуттар. Уонна сыттыгын анныгар киhи илиитин сымыйа искилиэтин уган кэбиспиттэр. Хантан ылбыттарын ону мин этэр кыаҕым суох. Дьэ, түүн ортото ол кыыс сыттыгын анныгар илиитин укпута, били дьардьамата сытан биэрэр буолан соhуйан, куттанан баттаҕа маҥхайан, салыбырас буолбут эбит. Кыыс ити кэннэ сураҕа өй итэҕэстээхтэр сирдэригэр киирбит үhү. Уолаттары хайаабыттарын билбит суох...

Vkontakte.ru "Иччилээх кэпсээннэр" группаттан.