Дмитрий Терехов

Урут былыр оҕо сылдьан аҕабынаан дуу биир үтүө күн үүтээҥҥэ хонорго соруннубут (убайым үүтээнэ, кини булчут киһи). Дьэ аһаан, тотон хаптайдыбыт (утуйдубут), чүмэчибитин умулларан утуйардыы оҥоһуннубут, мин улаханнык уум кэлбэт, мээнэ сыттым. Хараҥа, туох да көстүбэт.

Ол сыттахпына үүтээммитин эргийэн атах тыаһа ааммытыгар кэллэ. Ааммыт хатыыра суох. Ыраах буолан ким да соччо мээнэ сылдьыбат сирэ, ол иһин иһиттэн хатыыр диэн көрүллүбэтэх. Дьэ тыаһым аан диэки тохтуу түһэн баран ааны арыйда, ынырык улаханнык аанын сапта. Дьэ онно өйдөннүм - кырдьык илэ истэ сытабын диэн. Ыксаатым, аҕабын уһугуннарыахпын тэйиччи соҕус сытар. Мин олох тыынар тыыммат икки ардынан хамнаммакка даҕаны сытабын. Тыаһым остуол диэки хардыылаан баран сүтэн хаалла, мин ол сытан оргууй одулуу сатаатым да туох да көстүбэтэ. Ол сытан утуйан хаалбыппын. Уһуктубутум сарсыарда буолбут эбит этэ, онно тыыннахпын билэн үөрэн олох дайа сыспытым. Дьэ уонна аҕабар кэпсэтим, ону: "Итинник наар тыаһыыр" - диэтэ. Маска тыас итинник хаалан хаалар үһү ди, ол тыаһын истибитим буолуо, ол үүтээҥҥэ тиийдэхпинэ бастакы күн хайаан да истэрим. Ол онно кэлин хоммотох да ыраатта.

Vkontakte.ru "Иччилээх кэпсээннэр" группаттан.