Дмитрий Федоров
Дьонум сайылыыр сирдэриттэн олох чугас Абааһылаах ампаар диэн сир баар. Кыра сылдьан ол ампаары көрөр этибит. Куттанан ырааҕынан тумна сылдьааччыбыт, эчи турар сирэ лүҥкүрэн киһи кутун баттыах курдук ойуур иһигэр баар.
Билигин сууллан хайаан сири кытары тэҥнэһэн мээнэ киһи көрбөт. Ол ампаар син сэнэх эрдэҕинэ биир сылгыһыт ааһан иһэн сылдьыбыт. Испиискэтэ суох буолан долборукка сытар иппиискэни таарыйа илдьэ барбыт. Ол гынан баран хонук сиригэр тиийэн, утуйа сытан баттаттаҕына, таһырдьаттан биир дьахтар киирэн кэлбит. Испиискэбин аҕал дуу төннөр дуу диир үһү. Уһукта уһукта утуйдаҕын аайы баттаттар эбит. Ол курдук түүнү супту түлэкэдчийэн аанньа да утуйбатах. Сарсыарда туран били ампаарыгар хаттаан тиийэн испиискэтин хаалларан кэлбит этэ. Ол кэннэ туох да буолбакка утуйар буолбут. Ийэм кэпсээбитин тугу өйдөөбүппүн суруйдум. Тоҕо абааһылаамыт ампаарын ыйыппыппар, Өлүөхүмэттэн кийиит буолан удаҕан аҥардаах дьахтар олорбута, ол туохтан эрэ ыйанан баран үөр буолбут диирэ. Былыр ол диэки оскуола баар эрдэҕинэ учууталлар оҕолор эҥин көрөллөрө үһү. Ийэм оччолорго кыра кылаас, хата миэхэ көстүбэтэҕэ диир.
Vkontakte.ru "Иччилээх кэпсээннэр" группаттан.