Анна Павлова
Кыра оҕо сылдьан, ол эбэтэр 2000 эҥин сылларга буолуо, арай биир саас дьикти түгэннэр буоллулар: отутча кууруссаларбыт утуу субуу сүтэн бардылар, күн ахсын биирдии иккилии.
Дьоммут биһигини мөҕөн тахсаллар: "Кууруссалар эһиги хотоҥҥо ньирэйдэри кытары оонньуу киирэргитигэр таска тахсаллар" - диэн. Онон хотоҥҥо тахсарбытын боптулар, уонна эмиэ бэйэлэрэ икки хас күн сырыттылар, онтон син биир сүтэллэрин иһин дьэ дьиксиннилэр. Иннэ гынан хотоҥҥо тахсар көҥүллэммит курдук туттан баран, эмиэ хотоҥҥо балтыбынаан киирэн-тахсан бардыбыт. Арай биир күн ынахпыт төрөөрү турарын иһин ийэбит "хотоҥҥо оонньоон" диэн тэрийэн ахан ыытта. От эҥин бэлэмнээһинэ, онтон мин балтыбынаан олордохпутуна хотоммут уота (замыканиелаах) баран хаалла. Дьэ биһиги олоророн эрэ суот буоллубут: абааһы киирдэҕинэ бастакыннан миигин сиэх курдук, онон сибиинньэ уйатыгар бэйэбититтэн эмиһи булан састыбыт. Уоппут кэллэ, кууруссаларбыт туохтан эрэ дэлби үргүбүттэр... 1 кууруссабыт суох, сүппүт, дьэ сүрэхпит босхо баран аны улахан кырдьаҕас ыппытын киллэрдибит. Ыппыт бары нуорумаҕа эппиэттиир кыра саха ыта, күөрт өҥнөөх, өссө эбиитин мээнэ булчут эрэ буолбатах, кырдьаҕас эсэһит, тайахсыт, уопсайынан уоппуттаах диэн быһаардыбыт. Сыыспатах эбиппит, уоппут эмиэ барда. Ыппытыгар хамаанда: "Кууруссалары манаа" - диэн. Ол олордохпутуна доҕоор, ыппыт айдаан бөҕөтүн таһаарда, биһиги балтыбынаан аҕыйах мүнүүтэбит олохпут аҥарын курдук буолла, сибиинньэбит эмиэ айдаан бөҕөтө, ынахтар маҥыраһыы бөҕөлөр, ыппыт ырдьыгыныыра өссө сүрдэннэ, охтор тыаһа иһиллэр, сибиинньэ уйатыгар сибиинньэбит киирэн эрэр айдааны тардыбыт, онтон ыппыт тугу эрэ ытыра сылдьар саҥата... Оо, куттаммыппытыын... Уоппут кэлбитигэр көрбүппүт ыппыт куурусса атаҕын уҥуоҕун ытыран хаалларбыт, ынахпыт төрөөбүт, сибиинньэбит бүтүннүүтэ хаан буолбут.
Киэһэ борук сорукка ханна барыаххыный, чугас ыалын да хотон - баанньык - сылаас сирдэр. Хотоммор оонньуур этим диэн кыбыстан да көрбөппүн.
Сибиинньэ күҥҥэ биирдии кууруссаны сиир эбит, ону ыппыт сибиинньэттэн былдьаспыт... Хэх... Борук сорукка өҥ кытары уларыйарын курдук, киһи оҥорон көрөрө элбэх...
vkontakte.ru