Нюргуяна Фомина
Бороҕоҥҥо олорор эрдэхпитинэ убайбынаан дьиэбитигэр иккиэн хааллыбыт. Киһим буоларын курдук аһыы-сии барда, онтон миэхэ подругам хоно кэлтэ. Утуйаары сытабыт, быыс истиэнэ кэннигэр кухня баар.
Арай кухняҕа тыас тыаһыыр, биһиги тута саҥата суох бардыбыт. Иһит уурар ыскаап үрдүгэр сытар сок бытыылкалара саккыраатылар, ыскаап аана тыаһаата, иһиттэри ким эрэ тыаһатар. Убайым барыан иннинэ ааны хататтарбыта, ким да киирэр кыаҕа суох этэ. Ол курдук куттана сытан утуйан хаалбыппыт. Сарсыарда уһуктубуппут ким эрэ маатыралыыр, хаамар тыаһа иһиллэр, онтон хоһум аана арылла түстэ, убайым кэлбит эбит. Буоларын курдук мөҕүттэн киирэн барда. Кини кэлбитэ ааннар бары аһаҕас тураллар, кухня уонна зал муостата барыта сахар, онно манна сок бытыылкалара сыталлар. Иһит барыта муостаҕа, сороҕо алдьаммыт. Дьэ туох буолбута буоллар диэн улахан толкуйга түспүппүт... Убайым эдэр сааһа "бурнай" этэ, элбэхтэ итирэн кэлээччи. Түүн соҕотоҕун киинэ эҥин көрө олордоххо кухняҕа убайым итирэн кэлэн аһыы олорор тыаһа иһиллээччи, тугу эрэ ботугурааччы эҥин, ити барыта убайым дьиэҕэ суоҕун эбэтэр төрүт да утуйа сытарын үрдүнэн. Сэрэйдэххэ салгын хаартыската буолуо...
Ол убайым куоракка киирбитигэр мин кини хоһугар көспүтүм. Наьаа да элбэхтэ баттатааччым, түлээкичийэр эҥин этим. Онтон урукку хоспор көспүтүм, ол кэннэ аҕыйах күн буолан баран убайым куоракка табыллыбакка төттөрү кэлбитэ. Ол кэлбит күнүгэр түүн ынырык хаһыыттан бары уһуктубуппут. Убайым: "Ханнык эрэ оҕонньор миигин дьиэбиттэн үүрэр, уһуктубутум оронум аттыгар турар эбит" - диэтэ. Мин сүрэҕим тохтуу сыыста, онтон дьонум "горячкалаатын ини" диэбиттэрэ. Убайым ол түүн мин хоспор хоммута, кэлин арыгытын бырахпыта.
Сотору буолан баран улахан убайбын өлөрбүттэрэ, ол кэннэ эмиэ били убайым арыгытын испитэ. Биһиги куоракка көспүппүт, дьиэни эдэр ыалга куортамҥа биэрбиппит, кэлин аҕалара арыгыга охтубут этэ, көспүттэрин кэннэ көммүт үһү. Убайым дьиэҕэ төннүбүтэ, киһи аатыттан тахсан сылдьар, биһиэхэ кэлиэн баҕарбат, миэхэ: "Били оҕонньорго на зло бу дьиэҕэ олоробун, кэлэн барааччы" - диир. Билигин да оннук дьаабылана сылдьар, инвалид буолбута. Биһиэхэ кэллин, атын дэриэбинэҕэ аймахтарбытыгар да бардын, син биир ол дьиэбитигэр "мин дьиэм" дии-дии төннө турар...
vkontakte.ru "Иччилээх кэпсээннэр" группаттан.