Дьулус Иванов

Мин 10 - с кылааһы бүтэрэн 11 - с кылааска киирэр сылбар маннык түбэлтэҕэ түбэһэ сылдьыбытым... Күһүҥҥү кус саҕана доҕорбун кытта маар кэрийэр идэлээхпин, сатаан биир күөлгэ олорон кустаабаппын.

Ол күн отчуттарга хоно сытан сарсыарда халлаан сырдыыта чэй иһэн баран кус кэрийэргэ диэн туруннум. Атаһым утуйан хаалан барсыбата, ол иһин чэ сылдьыбыт сирдэрим диэммин соҕотоҕун барарга сананным. Отууга сытар уолаттарга эбиэт аска кэлиэм диэн сэрэтэлээтим. Ол иһин термоска кыра чэйдээх бардым. Алааспыттан тахсан ойуур быыһынан, билэр маардарбынан бардым. Син бултуйан бардым, 3 кустаахпын. Ол курдук ымсыыбар чугас быраҕыллыбыт былыргы хотонноох "Эһэ алааһа" диэн кыра алааска тиийдим, онно кыра күөллээх, ону киирэн көрөргө сананным уонна киирдим. Биир да кус саҥарсыбат, тула өттүн көрөттөөтүм тох да суох. Онтон били быраҕалыбыт хотон диэки көрбүтүм киһи хаама сылдьар эбит, дьиктиргээн ол киһиэхэ бардым. Чугаһаан истэҕим аайы киһим куотар курдук хотон иһигэр киирэн хаала. Сырсан киирсэн истим, аан аттыгар чугаһаан эрдэхпинэ ол киһи тахсан кэллэ. Көрбүтүм кырдьаҕас оҕонньор эбит, туох да буолбатаҕын курдук кэпсэтэн бардым, ким оҕотоҕун диэн ыйыталаста эҥин, аҕабын ийэбин билэр эбит. Мин дьоммун билэр эбит диэн 1 куспун биэрэргэ сананным, кырдьаҕас ылла уонна тарҕаһарга сананным. Мин барыам диэтим, "Кырдьаҕас, хайа диэкки бараҕын" - диэн ыйыттым, ону эттэ: "Мин манна хаалабын, үс сылынан биирдэ көрсүөхпүт, бу сиргэ кэлээр, мин баар болоҕум" - диэтэ. Мин наадыйбатым, "Ээх" эрэ диэтим уонна барар сирбэр бардым. Баран иһэн кэнибин көрдүм - илиитинэн далбаатана турда уонна аа - дьуо хотонун диэки киирэн хаала. Ол кэннэ отчут уолаттарбар баран иһэн үчүгэйдик да бултуйан баартым: 14 кустаах тиийтим. Аны санаатахына туох оҕонньоро буолой, Байанай ду хайдах ду?

vkontakte.ru