Гаврил Иванов

Табаарыhым кэпсээбитэ, 1-кы курска сылдьан дойдутугар Верхоянскайга каникуллуу барбыта.Ол сылдьан оскуолаҕа бииргэ үөрэммит оҕолорун кытта тыаҕа буранынан бултуу барбыттар.

Үүтээннэригэр тиийэн аhаабыттар, кыратык айдаарбыттар эҥин быhылаах. Үүтээннэрэ саҥа дьиэ үһү, террасалаах эҥин. Түүн чүмэчи уотунан кэпсэтэ олорбуттар, ол олордохторуна терраса аана аhыллар тыаhа иhиллибит, биир уол сүүрэн тиийэн дьиэ аанын хатыырын хатаан кээспит. Хатаатын кытта ааны тардыбыт, туох эрэ. Уолаттар водкаларын кистээhин буолбут - ханнык эрэ билэр киhибит кэллэ диэн. Арыгы иhэ олорорбутун дьоммутугар кэпсиэҕэ эҥин диэн. Арай ааны тардыалыыр үһү, тоҥсуйбат да, саҥарбат даҕаны. Уолаттар дьэ куттаммыттар. "Кимҥиний" - диэн ыйытан көрөллөрүн ааны тыытар, тардыалыыр үһү... Өр баҕайы тардыалаан баран, тахсан барбыт - терраса аана сабыллара иhиллибит. Сарсыарда уолаттар туран, ааны аhан көрбүттэрэ - терраса аана иhиттэн хатааhыннаах үһү. Таhырдьа хаарга ким да барбыт-кэлбит суола көстүбэт үһү... (Арай били уол дьиэ аанын сүүрэн тиийэн хатаабатах буоллун? Абааhы илэ бэйэтинэн киирэн кэлиэ этэ дуо?)

vkontakte.ru