Киһи бэйэтигэр тиийинэн өлөрүгэр эмиэ бириэмэтэ кэлбит дииллэр, 8 сыл аннараа өттүгэр биир үтүө түүн олбуорум иһигэр ыт бөҕөтө киирэн үр да үр буолаллара, ньиэрбинэйдээн саанан тахсан ытаары гынарым, иккис түүммүтүгэр эмиэ үрбүттэрэ, туох алдьархайа буолаары гынна дии санаатыбыт.
Биһи олбуорбутугар үс дьиэ баар, биирдэстэригэр икки иигирэ убайдарым ийэлэринээн олорбуттара, ол күннэргэ куоскалара муоста анныгар киирэн туохтуун эрэ охсуһар курдук буолара (ынырыктык ньааҕыныыр) уонна оһох үрдүгэр хотуолуур идэлэммитэ, бастаан булемиялаабыт дии санаабыттар, хас да күн ааста, арай биир сарсыарда дьиэбитигэр эбээбит ытаабытынан киирдэ, биир игирэ аҥара убайбыт бэйэтигэр тиийэнэн үлэтигэр турбаҕа ыйанан өлбүт. Өлүөн иннинэ сурук суруйан хаалларбыт - "Хас да түүн абааһылар миигин сордоон утуппатылар, түннүгүнэн көрөллөр, чыычылыыллар, билэбин мин буруйу оҥорбуппун, баһаалыста бырастыы гынын, ийэбин үчүгэйдик көрө харайа сылдьын". Ол сурук ис хоһоонун истэн баран салла санаатым, түүн ыттар үрэллэрин таһырдьа тахсан үүртэлии сатыырбын. Ол убайым сороҕор түүлбэр куһаҕан ба5ҕйытык киирээччи, илдьэ бара сатааччы...
Ykt.ru Автор: Командировщик.