Семен Иванов
Бу дьиҥнээхти биhи дьиэ кэргэҥҥэ буолбут түбэлтэ. Оҕо эрдэхпинэ (7 - 8 саастааҕым) икки бииргэ төрөөбүт бырааттарбын кытары уулуссаҕа оонньуу сырыттыбыт. Сайыҥҥы куйаас күн этэ.
Арай эмискэ холорук өрө ытылла - ытылла биhиги диэки баар буола түстэ! Кыра быраатым (онно биирдээх - иккилээх этэ ду, чуолкай билбэтим, умнан кээспиппин) биhигиттэн тэйиччи олорон хаалбыт этэ, ону өйдөөбөккө орто бырааппын кытары дьиэ диэкки тэбиннибит, ийэм түннүгүнэн көрбүт этэ, кыра бырааппын холорук сиртэн арааран туора бырахпыт. Ийэм ону көрөн туруо дуо, сүүрэн тахсан киллэрбит этэ. Мөҕүллээччи киhи мин. Ити түбэлтэ кэннэ, биирдэ чаҕылхан охсо сыспыта, биирдэ тэллэйдии сылдьан быhахха тайанан хараҕа суох хаала сыспыта, тиhэҕэр тохсус кылааска үөрэнэ сылдьан суорума суолланан күн сириттэн туораабыта, чуолаан армияҕа барбытым кэннэ икки нэдиэлэ буолан баран өлбүт этэ. Ийэбэр билгэhит дьахтар эппит үһү: "Эрдэттэн бэлиэтэммит оҕо" - диэн.
Vkontakte.ru "Иччилээх кэпсээннэр" группа.