Голокова Валентина

Биирдэ биhиги кылааhынан хоно - өрүү походтуу барбыппыт, "Хонор" диэн сиргэ тохтоотубут (ойуур быыhыгар киэҥ күрүөлэммит бааhына, биир эргэ үүтээннээх). Сирбитигэр тиийээт даҕаны, уол - кыыс буолан эккирэтиhэ оонньуу сырыттыбыт.

Ол сылдьан биир уолтан куотан дьүөгэбин кытта күрүө тас өттүгэр тахсан ойуур диэки сүүрэ турдубут, ол сылдьан кыыспын сүтэрэн кэбистим. Санаабар туох эрэ баттыырын курдук буолла. Сотору буолаат уолбут оонньоон бүтүөххэ дии - дии ыҥырарын иhиттим. Дьүөгэм хантан эрэ хаhытыы - хаһытыы сүүрэн кэллэ, иуох эрэ хара таҥастаах киhини көрбүт. Ытыы сыыhа - сыыhа бааhынабытыгар киирэн баран арай көрдөхпүтүнэ сорох кыргыттарбыт кэпсэтэ кэпсэтэ үүтээммит диэки барн иhэллэр. Биhиги ону көрөөт, кинилэри ситэн, кэннилэриттэн хаман иhэбит. Кэпсэтэбит эҥин. Онтон дьүөгэм саҥата суох кэннибитин ыйар. Арай көрбүтүм субу аҕай ииннибитигэр хааман испит кыргытар саҥа бааhына түгэҕиттэн быган саҥардыы иhэллэр эбит! Мин куттанан хааллым, иннибин көрбүтүм - били кэпсэтэ испит оҕолорбут суохтар. Дьүөгэм диэки көрдүм - киhим үлтү салыбыраабыт. Онтон саҥата суох үүтээммит диэки сүүрдубут. Оннооҕор уолаттар өйдөөн көрбүт үhүлэр...

Тутатына хомунан дьиэлииргэ соруммуппут. Кэлин билбиппит ити бааhына кытыыта барыта киhи унуоҕа үһү, ону ол диэбэккэ биhи үрдүнэн супту сүүрбүппүт аҕай. Дьиктитэ диэн биhи дьүөгэбинээн иккиэн аҥар ытарҕаларбыт сүтэн хаалбыта. Ону булчуттар дьон дууhатын иччэ аймаан баран бырастыласпакка эрэ барбыккытын иhин ылбыттар диэн быhаарбыттара.

Vkontakte.ru "Иччилээх кэпсээннэр" группа.