Dashtu Boyarinova
Биир үтүө күн улахан кылаас уолаттара (2005 сыллааҕы выпустар оччолорго 10 - 11 кылаастар) бары мустан походтуу барбыттар. Эчи элбэхтэрэ да сүрдээх, кыра дэриэбинэ диэтэххэ, кылаастарыгар аҥардас уолаттар эрэ этэ.
Бара сатаан ырааппатахтар, дэриэбинэттэн биэс - алта километрдаах сиргэ, Уһун алаас диэн алааска тиийбиттэр. Дьиҥинэн олус кырдьаҕас сир эрээри оҕолор тугу өйдүөхтэрэй, күлүү - салыы, ырыа тойук бөҕө буолан баран хараҥарыыта дьиэлээн испиттэр. Бары мотоциклынан сылдьаллар эбит. Арай биир уол алаастан тахсан истэҕинэ мотоцикла ыараан - ыараан субу умуллуох курдук буолбут. Кэлин миэстэҕэ олорсо сылдьар уол сиэркилэнэн көрбүтэ мотоцикл кэнниттэн муус маҕан сирэйдээх дьахтар тардыһан иһэр эбит. Кутталларыттан төһө кыалларынан үктээн, уолуйан, алаастан тахсааттарын кытта мотоцикллара кыаҕын ылбыт. Кэлин истибиттэрэ ити алааска урут "бириэмэннэй" дьахтар өлбүт эбит, аттынааҕы дэриэбинэҕэ тахсан иһэн (бу дэриэбинэлэр бэйэ бэйэлэриттэн биир көс тэйиччи тураллар, алаас ол икки ардыгар баар).
Vkontakte.ru "Иччилээх кэпсээннэр" группа.