Спартак Титов
Мин илэ бэйэбинэн атын эйгэ дьикти күүстээх харамайын хара харахпынан көрөн турардаахпын... Олох ыраатта, төрдүс кылааска үөрэнэр эрдэхпинэ художественнай кылааска сылдьар этим.
Саҥа дьыл буолбута. Кыра оҕолор саҥа дьыллара төһө өр буолаахтыай, утренниктаан баран киэһэлик куруук кэлэр барар сирбинэн дьиэм диэки кып кыра атахтарбынан түргэн түргэник хардыылан подарок кэмпиэт эгэлгэтин кыбынан мин саҕа дьолох киьи суох буолан айаннаан истим. Дьэ ити курдук үөрэн көтөн истэхпинэ арай этим тымныйа түстэ, уонна көхсүбүнэн кутуйах сүүрэрин курдук чиккэс гына түһээт кулгаах уонна харах ичитэ буола түстүм. Арай доҕоор, баран иһэр суолум кытыытыгар киһи кыайан быһаарбат хара бэкирэ миигин күүппүттүү бу турар эбит. Ол "киһибиттэн"хараҕым арахпат, дьиктитэ диэн эмиэ да хааман иһэр курдук эрээри сириттэн хамсаабат, тыала суох эрээри уп уһун былаачыйа курдук таҥаһа бу илибирии турар... Мин олох уолуйан Үрүҥ Аар Тойоммутан туох баар билэр тылбынан көрдөһө сатыырбын өйдүүбун: "Баһаалыста киһи буолан абыраа эрэ, эбэтэр киһи буолбатах буолахына миигин сиэмэ", - дии - дии харахпын быһа симэн баран дьэээ, хаамыы - сиимии кытаанаҕа. Өр соҕус хааман баран харахпын аспытым олох даҕаны дуомнаах уһуну хаампатах эбипин, хата абааһым дьолугар киниэхэ чугаһаан биэрбипин. Ол кэнниттэн дьиэбэр хайдах тиийбипин субу диэн үчүгэйдик өйдөөбөппүн эрээри ол хап - хара былаачыйа курдук уһун таҥаһа, биир сиргэ дьиктитик хаамара субу харахпар ойууланан көстөр. Билиҥҥэ дылы ону санаатахпына этим тымныйар.
Vkontakte.ru "Иччилээх кэпсээннэр" группа.