Сергей Ильин
Биһиги биирдэ күһүн төрдүө буолан кустуу бардыбыт. Халлааммыт соторуннан хараҥаран хаалла, суолбут үчүгэйдик көстүбэт, ону убайым: "Ээ манна биир дьиэ баар этэ" - диэтэ, онон онно хонор чиэскэ тигистибит.
Чэ син булан тиийдибит, хата өссө оһоҕо эҥин үчүгэй турар эбит, наарата эрэ суоҕа, сорохтор наара оҥордубут, сорох оһох отунна. Онтон оһох уотугар олорон аһаатыбыт, оһохпутун аһаттыбыт. Утуйарга диэн буолла. Мин табаарыспын кытта сыттым, икки убайым туһунан сыттылар. Сатаан утуйбакка эргичийэ сыттым. Биир чаас курдук оннук сыттым быһыылаах, дьэ ол сыттахпына истиэнэ муннугун туох эрэ өрө көтөҕөн баран тыаһаппыт курдук тыас иһиллиннэ, мин этим сааһа барыта арылынна. Онтон аны бааҥканан истиэнэҕэ быраҕар тыаһы иһиттим, ыксааммын саабын харбыаластым. Ону табаарыһым эмиэ уһуктаҕас буолан биэрдэ, онтон саа ылааппытын кытта тыас - уус сүтэн хаалла. Онон оннук утуйан турардаахпын. Туох буоларын баччааҥҥа дылы билбэккэ сылдьабыт, дьиктитэ диэн ол икки уолбут тугу да истибэтэхтэр.
Vkontakte.ru "Иччилээх кэпсээннэр" группа.