Ленка Авейро

Бу түбэлтэҕэ убайым түбэспитэ, Мэҥэ-Хаҥаласка буолбута... Бастакы хаар түһэрин саҕана этэ, биир киэһээ эргэ хотоҥҥо төрдүө буоланнар таах сэлэһэ диэн олорбуттар, саатар хотонноругар лаампа диэн суох эбит, ол иһин чүмэчилэммиттэр... 

Чэ ити курдук син балачча олорбуттар, арай иһиттэхтэринэ хотоннорун тула ким эрэ сүүрэкэлээ да сүүрэкэлээ буолар эбит, өссө ол быыһыгар тохтоон сынньанан ылар эҥин эбит, өссө сотору - сотору кэлэн ааннарын тардыалыыр үһү, хата хатааһыннаах буолан аспатах.
Ити курдук балачча ньаҕайдаммыт, убаайдааҕым куттананнар саҥата суох уолуйан баран олороллор, аны хотонноругар үөһэ түннүктээх эбит (син киһи батар соҕуһа), таһыдьа баардара ону көрбүт дуу, хайаабыт дуу, аны үөһээ тахса сатыыр үһү, уонна төттөрү сырылаан түһэ турар үһү. Ол быыһыгар ааннарын кэлэ кэлэ тардыалаа да тардыала буолар син биир, өсөһө диибин диэн.
Ону бо убаайдаҕым ааны арыйан баран саһыаххайын диэн буолбуттар, арыый уоскуйбутун кэнниттэн ааны аргаайдык аһан баран,тамыйах аһыыр сиригэр (ол эбэтэр от быраҕар сирдэригэр) баран сыппыттар, дьэ аны сотору буолаат аймалҕаннаахтык хотону тула сүүрэкэлээбитинэн барбыт, ааны тоҕо таппыт, уонна киирэн баран наһаа ынырыктык ырдьыгыныы - ырдьыгыныы сытырҕалаа да сытыр5ала буолар үһү, киһи кутун көтүтүөхтүк аҕылыыр, аны уоран көрбүттэрэ быһыыта - таһаата киһи үһү, хараҥа буолан үчүгэйдик көстүбэт үһү, онтон "hhы" диэхчэ өрө тыынан баран тахсан барбыт үһү...

Ол кэннэ убаайдааҕым таһырдьа сырдыар диэри сыппыттарын курдук сыппыттар, кэлин суолун кордуу сатаабыттар да туох да суох үһү...

Vkontakte.ru "Иччилээх кэпсээннэр" группа.