Хаарчаана Ксенофонтова

Бу ханнык сиргэ буолбутун эппэппин. Баҕар истибиккит да буолуо. Арай биир кыра куоракка сайыҥҥы "алааска лааҕыр" диэн баара үһү. Ол лааҕырга (алааска) сайын аайы оҕолор баран сынньанан кэлэллэрэ.

Сайын. Лааҕыр оҕолоро бары алаастарыгар кэлэн үөрүү - көтүү бөҕө буолан аһыы олорбуттар. Арай доҕоор, сыһыыга сылдьар сылгылар эмискэ айманан, алаас күөлүн аттыгар турар дьоннор уҥуохтарыттан сүүрэн ахан иһэллэр эбит. Онтон эмискэ лааҕырга кэлбит, аһыы олорор кыыс таттара - таттара, мэнэрийэн киирэн барбыт: "Иһэллэээр, элбэхтэээр, кэллилээр". Бэрт нэһиилэ кыыһы уоскуппуттар. Туох, хайдах буолбутун ыйыталаһа сатаабытар да отой эппэтэх. Киэһэ, түүн буолан эрэр. Ити кыыс түннүгүнэн били күөлүн, дьоннор уҥуохтарын көрө - көрө баттаҕын тараана олорбут. Онтон эмискэ эмиэ часкыйбыт: "Иһэллэээр, элбэхтэээр, кэллилэээр". Нэһиилэ сарсыарда буоларын саҕана биирдэ уоскуйан саҥарар буолбут. Ити алаастан кыыс төттөрү куоракка барбыт. Кэлин истибиттэрэ кыыс, киһи уҥуоҕуттан элбэх баҕайы маҥан таҥастаах былыргы дьоннор кинилэргэ кэлэ сатыыллар үһү диэн бэйэтэ кэпсээбит.

Vkontakte.ru "Иччилээх кэпсээннэр" группа.