Владимир Данилов
Дьэ ол маннык этэ. Сут дьыллар саҕана. Атырдьах ыйа этэ. Эбэм өлбүтэ 9 хонугун туола илигинэ, убайдыы бырааттыылар буолан, Айылҕа оҕолоро аатыран, төрөөбүт Алааспыт Баай Барыылаах Байанайыгар сынньана хоно-өрүү, Байанай бэссиэ диэн эрэнэн таҕыстахпыт үһү.
Тыаҕа бэйэм соччо сылдьа үөрүйэҕим суоҕа да бэрт буолан ду, саабын умнан кэбиһэн "бултуу" диэн таҕыспыттааҕым. Дьэ күлүмэн доҕоттор! Түүн үөһэ тирээн кэллэ. Ол тухары көтөрдөөх, кыыл мэлиир буолла. Чэ мин утары уунарым суох буолан күөс өрөөччүнэн, ат баайааччынан сырыттым.
Түүн буолан туох да көстүбэт. Мин саха бэрдэ буоларым быһыытынан, БИИР сыгынньах куухуна быһахтаах уу баһа киирдим, үрүйэ быыһыгар. Дьэ доҕоттор, ыксал буолла - кэннибэр киһи тыынар! Ону мин бэйэм дьээбэлээх киһи быьыытынан: "Киьи буоллахха кэлэн кэпсэт! Абааһы буоллаххына аттыбынан аас!", - диэн этэ-тыына биэрдим! Дьэ эрэ, тыынара улам-улам субу кэллэ. Олох ыксаатым, кэннибин хайыспакка инним хоту буут быстарынан атахха биэрдим. Аны үүтээммин кыайан булбакка сор буолла, убайдааҕым миигин сүтэрэн көрдүү диэн барбыттар, үрүйэҕэ түһэн иһэн көрбүттэрэ мин олорор үһүбүн, ол бириэмэҕэ мин икки киһини көрбүтүм, кинилэр томтор үрдугэр туран миигин далбаатыыллара, ыраахтара сүрдээҕэ. Мин убайдарым дии санаат сүүрэ турдум, ол сүүрэн иһэн дьоммун көрөбүн даҕаны улам-улам көстүбэт буолан иһэллэр. Ыксаатым, тоҕо миигиттэн куоталлар диэн бэйэм куттаммытым, ол бириэмэҕэ убайдарым миигин хайдах эрэ буолбут дии санаабыттар да миэхэ түспүттэрэ мин суох үһүбүн. Онтон убайдарым ыксаабыттар, үүтээммит диэки сүүрбүттэр! Ол сүүрэн иһэн көрдөхтөрүнэ биир киһи ускул-тэскил алаас устун дьаарбайа сылдьар үһү. Ону: "Нохоо!" - диэн хаһыытаабыттара киһилэрэ бэйэлэрин ыҥырар үһү. Убайым: "Кэһэтиэм!" - диэн саҥа аллайан баран мин диэки сүүрбут. Ол сүүрэн иһэн көрдөҕүнэ ол киһи сахалыы таҥастаах буолан иһэр үһү. Убайым: "Бу алдьархайы" - диэт тохтуу биэрбит. Кини да куттанар күннээх эбит. Ол бириэмэҕэ мин ойуур быыһынан "опера ырыаһытын курдук" хаһыытыы сылдьыбытым. Иһиттэхпэ ыт урэр. миэхэ өй киирдэ: "үүтэним чугас" диэн. Хара тыаны хайа тардыбытынан сүүрэн иһэн көрбүтүм - "ох тэбэр" сиригэр үүтээним көстөр. Улам чугаһаатым, аттарбыт көстөллөр. Үүтээммитигэр ойон кииртим - уу чуумпу!
Дьэ онтон убайдарым аймалҕаннара иһиллэриттэн таһырдьа тахсыбытым. Бу сүүрэн кэллилэр. Үнтү ыксаан хаалбыттар, ыҥыырдары таһаартаа диэн буолла. Мин ыйыта сатыыбын - эпиэттэрэ мэлигир. Онтон улам ыраатан баран кэпсээбиттэрэ: ол мин хас да буолан көстөр үһүбүн. Уонна миигин сахалыы таҥастаах көрбүттэр, истэн баран бэйэм да ыксаабытым. Билигин күлэ сытабын даҕаны ол саҕана ыксал этэ! Ол иһин дьон-сэргэ этэн тыынан эрдэҕэ - Салгын Хаартыската диэн.
Vkontakte.ru "Иччилээх кэпсээннэр" группа.