Дмитрий Анисимов

Маны учууталым кэпсээбитэ... Учууталым эдэр сырыттаҕына кэргэнэ начальнай оскуолаҕа остуораһынан үлэлиир эбит. Сарсыарда аһар, киэһээ хатыыр эбит. Биир күн ол киһи тыаҕа тахсыбыт. Кэргэнигэр оскуоланы хатаар диэн эппит.

Учууталым киэһээ аҕыс диэки хатыы барбыт, кыһын буолан халлаан хабыс хараҥа, арай оскуола таһыгар баҕанаҕа биир лаампа баар үһү. Оскуолаҕа киирбит, кабинеттары барытын бэрибиэркэлээн баран аанын хатаабыт. Тахсан уулуссаннан хааман иһэн түннүгү көрбүтэ маҥан таҥастаах чүөчэ көрөн турар үһү. "Хайдах - хайдаҕый", - диэн баран оскуолаҕа төттөрү киирбит. Көрбүтэ эмиэ туох да суох эбит. Эмиэ хатаан баран баран испит. Эмиэ түннүгү көрбүтэ ол көрбүт чүөчэтэ оҕолоох турар эбит. Эмиэ киирбит. Ол киирэн бэрибиэркэлээбит. Эмиэ туох да суох эбит. Тахсан иһэн: "КИМ БААРЫЙ?", - диэбит. Онно көрүдүөр түгэҕэр: "Мин баарбын!", - диэн аны эр киһи куолаһа иһиллибит. Учууталым куотан тахсыбыт, ааны хатаан, дьиэтин диэки кэннин хайыспахха сүүрэн тиийбит. Онтон кэлин ыйыталыспыта ол оскуола киһи уҥуохтарын үрдүгэр тутуллубут эбит.

Vkontakte.ru "Иччилээх кэпсээннэр" группа.