Туйаара Старостина
Бу түбэлтэ дойдубар Эбээн_Бытантайга буолбут, икки сыл анараа өттүгэр биһиги бөһүөлэкпитигэр эдэр дойду кыыһа кэлбитэ, ол кыыс сураҕа детсадка үлэлии киирбит.
Биир күн үлэлээн бүтэн киэһээ аҕыс саҕана дьиэтигэр баран испит. "Центральнай" диэн уулусанан хааман испит, ол иһэн көрдөҕүнэ аптека таһыгар кып - кыракый уол оҕо турар эбит, икки илиитин кыыс диэки уунар үһү. Кыыс толкуйдуу барбакка "Хайаатын?", - дии - дии оҕоҕо чугаһаабыт, чугаһаан истэҕин аайы тымныы күүһүрэр үһү. Ол оҕо "ычча" - диир. Кыыс өлбүт оҕо диэн өйдөөн,сибиэн диэн билбит да куоппут. Кэннитин көрдөҕүнэ ол оҕо сырсан иһэр, ынырык түргэнник сүүрэр үһү. Кыыс дьиэтигэр тиийбитэ аана ис өттүттэн хатыылаах эбит, ыксаан ампаарга киирэн хатаммыт. Оҕо кэлэн ампаар аанын сайталаабыт, крыша үрдүгэр тахсан эккирээбит. Арай дьонноро тахсаннар ааны аспытарыгар, ол оҕо эмискэ сүтэн хаалбыт. Ити кэннэ ол кыыс барбыта, сураҕа дойдулабыт үһү диилэр, ол кыыс аатын билигин да кистиллэр. Били суолунан мин күн ахсын оскуолаҕа барабын, аптеканы көрдөхпүнэ наар сүрэҕим хамнаан ылар.
Vkontakte.ru "Иччилээх кэпсээннэр" группа.