Леонид Данилов

Үс сыл анараа өттүгэр этэ ол. Күһүҥҥү хараҥа, үүтээҥҥэ кустаан кэлэн ким хайдах, хас куһу өлөрбүтүн ырыта олордубут. Үүтэҥҥэ үһүө буолан олордубут. Арай таһырдьа киһи саҥата иһилиннэ: "кимнээх баалларыый?".

Олох саҥата чуоккай баҕайытык иһилиннэ, биһиги тута таһырдьа сүүрэн таҕыстыбыт да, киһини көрбөтүбүт. "Хайдах - хайда5ый?" дии - дии төттөрү киирдибит. Мин ыйыттым: "Иһиттигит буотта?" уолаттар ах баран хааллылар, нэьиилэ "Аһа, истэн" дэстилэр. Ол олордохпутуна эмискэ тыал бөҕө түстэ, онтон олох илэ баачча ааммыт анныгар атыыр оҕус кэлэн буору хаһан киирэн барда, сонно эмискэ сүтэн хаалла, тыалбыт эмиэ чуумпурда. Бары куттанан кыайан саҥарбат буолан хааллыбыт, этим тымныйда. Онтон эмискэ хотуур таптайар тыас иһилиннэ. "Иһиттигит - иһиттигит?" дии - дии биир табарыһым айманан хаалла, саатын ылан ииттэн баран аан диэки кыҥаан олордо, онтон от охсуллар тыас иһилиннэ. Биир уолбут олох уолуйан акаары таһырдьа сүүрдэ, ол кэннэ тыас сүтэн хаалла. Халлаан сырдыыта киһибитин ирдии бардыбыт. Күн тахсыыта киһибитин биир өтөх кырдалыттан булан ыллыбыт. Киһим хата туох да буолбатаҕын курдук утуйа олорор эбит. Уһугуннарбыппытыгар дьиктиргээһин бөҕө, хайдах манна кэлэн хааллым диэн миигиттэн ыйытар. "Чэ кэбис, барыах" диэн баран өтөххө табах, чэй хаалларан баран дьиэбит диэки хаама турдубут, айаммыт тухары ким да тыл быктарбатаҕа... Кэлин истисбитим, ол өтөххө сут сылларга оттуу диэн дьоннор олоро сылдьыбыттар, онтон ханна барбыттара биллибэт үһү. Ити курдук сүрэхпитин хайыталаан аймыы сырытта... Онон сири уоту аһата сылдьын, сиэри-туому тутуһун!

Vkontakte.ru "Иччилээх кэпсээннэр" группа.