Иванна Софронова

Ийэм кэпсээбитэ Нам улууһугар буолбут түбэлтэ... Арай биирдэ эһээлээх эбэбэр суоруна наада буолбут. Ону эһээм биир өтөххө көрбүтүм, ону аҕалыам диэн баран, атыгар ойон тахсыбыт да сүүрдэ турбут.

Ол сиригэр тиийбитэ дьиэттэн ампаарга маҥан таҥастаах киһи ааспыт, эһэбин ол да тохтоппотох, бачча ыраахха кэлэн баран ылан баран биирдэ барабын диэбит... уонна ылан тахсыбыт. Эһэм ата сиргэнэн кэдэҥнээһин бөҕө буолбут, куота сатыыр үһү, ону кыыһыра - кыыһыра күүһүнэн суорунатын атын үрдүгэр бырахпыт. Олорон быатын сүөрээтин кытта ата буулдьалыы дьиэтин диэки ыстаммыт... Арай ата сотору сотору тыбыырар үһү, эһээм өйдөөн көрбүтэ кэннилэриттэн хара мээчик саҕа туох эрэ эккирэтэн иһэр үһү. Ситээри гыннаҕына ата тыбыырар үһү, оччоҕуна хаалан хаалар. Ити курдук отой хаалбыт, сиппэтэх... Сиппэтэҕэ үчүгэйгэ, сиппитэ буоллар туох эрэ куһаҕан буолуо этэ диир үһү эһэм кырдьан олорон...

Vkontakte.ru "Иччилээх кэпсээннэр" группа.