Александр Гермогенов

Бу хоту дойдуга буолбут түбэлтэ. Урут хаhан эрэ биир булчут мунан хараҥаран хаалбыт. Баран иhэн биир балаҕаҥҥа кэтиллэ түспүт. Таһыттан көрдөххө эргэ баҕайы эбит...

"Манна хонон аһыам" - дии санаабыт, атын баайан балаҕаҥҥа киирбитэ эмэхсиннээх оҕонньор олоролор үһү. Балаҕан иһэ ып ыраас, оһохторо оттуллан турар, баҕар сылайбыт санаабар өйдөөн көрбөтөҕүм буоло диэбит... Ыалдьыттарыгар остуол тардыбыттар. Аһаары олордохторуна булчут уол хайдах эрэ сэрэхичийбит. Этэрбэһин быатын баммыта буолан олорон остуол аннын көрбүтэ дьонноро атах буолбакка туйах эбит. Булчут куттаммытын биллэрбэтэх. Олорон эрэ холку баҕайытык - "атым ыҥыырын дьиэҕэ киллэриэм уонна аппын ыытыам" диэн аа - дьуо таҥнан таһырдьа тахсыбыт, дьэ уонна атыгар олорон ыстаммыт. Атын миинээтин кытта дьиэттэн били дьоннор сүүрэн тахсыбыттар, сирэйдэ дэлби уолан хаалбыт, сарылыы - сарылыы булчуту сырсыбыттар аҕай, хата сиппэтэхтэр. Булчут суолун булан дьиэтин этэҥҥэ булбут...

Бу түбэлтэ Өймөкөөн улууһугар буолбут. Саас хаар ууллуута учууталлар улууспут кинигэр мунньахтыы айаннаан иhэннэр массыыналара оргуйан хаалбыт. Учууталлар чугас быраҕыллыбыт совхозка ким "наадатыгар" ким көххө барбыттар. Хотоҥҥо киирбиттэрэ хотон ортотугар кырасыабай баҕайы өҥнөөх бороску сытар эбит. Чүөчэлэр хайаларын сүөhүтэ кэлэн сытарый диэн интириэhиргээн чугаһаабытта. Көрбүттэрэ доҕоор, сүөhүлэрэ быры - быччаҕар харахтаах, атаҕа кып-кылгас үһү. Часкыйаат куоппутар, сүүрэн иһэн кэннилэрин хайыһан көрбүттэрэ сырсан аҕай иһэр үһү... Хотонтон тахсыбакка ол кыыллара сүүрэн иһэн сүтэн хаалбыт...

Vkontakte.ru "Иччилээх кэпсээннэр" группа.