Биирдэ Удачнай куораттан, олохтоох саха дьоно Өлөөн диэки кыыл таба бултаhа барбыттар. Сэтинньи ый, халлаан лаппа тымныйбытын кэннэ, хаардаах. "Буранынан" барбыттар.
Биир үрэххэ кыыл суола элбэҕин көрөн, чугас баар үүтээҥҥэ тиийэн хонордуу оҥостубуттар. Ол дойду ото-маhа кэмчи буолан тэйиччи соҕустан оттор мастарын эрбэммиттэр. Аhаан-сиэн баран утуйардыы оҥостон сыппыттар. Ол кэмҥэ биир киhилэрэ туран оhоххо мас эбэн биэрээри хардаҕаhы ылбыта арай туох эрэ быа-туhах, таҥас-өрбөх иилистэ сылдьар эбит. Ону дьиктиргии санаан туора уурбут, сарсыарда сырдыкка көрүөм диэн. Түүн ортото бу киhибит утуйа сытан баттатар, көрдөҕүнэ үүтээннэрин иhигэр таба таҥастаах саас ортолоох киhи киирэн турар эбит. "Аартыгым ааныгар турбут кэрэх маспын кэрдибиккит, дьоҥҥун туруор уонна мантан барын!"-диэн күргүйдээбит. Эмискэ уhуктан кэлбитэ дьиэлэрин, тимир оhох турар, муннуга умайан күүдэпчилэнэн эрэр эбит. Таhырдьаны былдьаhыы буолбут, ким тугу кэппитинэн, тугу туппутунан диэбит курдук. Нэhиилэ "Бураннарын" куоттарбыттар. Ол түүн ону маны таҥнан, дьиэлэрин сыккырыыр тыыннара эрэ булбуттар.
Ykt.ru Автор: Вояджер