Денис Посельский
2006 сыллаахха буолбута 10 -ус кылаһы бүтэрэн баран сайын каникул кэмигэр таах олоруохтааҕар дьиэ тута үлэлии барбытым. Биригээдэнэн ДСК-аҕа тийдибит. Уһаайбаҕа кэлэн киһибитин кэтэстибит, нуучча оҕонньоро кэллэ, дьиэ манан турар диэн ыйан биэрдэ.
Уһаайба иһигэр тимир гараж уонна онно сыста терасса турар этэ. Киһибитигэр эттибит гараж иһигэр олоруохпут диэн, киһибит олордуон баҕарбатаҕа эрээри син биир олордубута. Гаражпыт иһэ олох оһуобай этэ: 3 ороннох, диваннаах, дьиэ курдук. Үлэ баран иһэр, дьиэбит аҥаара буолла. Биир күн суунан тараанан баран утуйдубут. Сыттахпына оронум анныттынан туох эрэ аста, суорҕаным быыһынан өҥөйөн көрбүтүм диваҥҥа саха киһитэ олорор эбит, маҕан кофталах, күөх джинсы ыстаннаах, уун.-утары көрөн олорор эбит. Куттанан суорҕаным иһигэр киирэн сытан утуйдум. Сарсыныгар үлэлии сылдьан биир үлэһиппит үрдүгэр сүгэ кэлэн түспүтэ ол күн скоройынан балыаһаҕа барбыта. Интириэһинэйэ диэн ол киһи диваҥҥа утуйар этэ. Салгыы үлэ баран иһэр. Биир күн дьэ дьаабыланна телевизоры ылан гараж истиэнэтигэр туора маары саайталаата, аны ким да турбат. Сарсыарда туран көрдүбүт телевизор муостаҕа сытар. Биир күн өрөбүл буолла, миигиттэн атыттар бары аһаатылар, бардылар иккиэн эрэ халлыбыт. Күнүс этэ, мин ороммор сытабын, киһим итирик терассаҕа таҕыста..Арай иһиттэхпинэ терассаҕа икки киһи санарар, соһуйдум, баҕар ким эрэ кэлбитэ буолуо диэн ахыйбатым. Сотору соҕус буолан киһим киирэн харчы көрдүүр уонна этэр: "Биир ыччаты кытта билистим аргыбыт бүттэ диир". Мин харчы суох диэтим, киһим терассаҕа таҕыста уонна маҕаһыыҥҥа баран кэллэ. Терассатыгар пиибэ иһэ олордо. Эмиэ икки киьи куолаһа иһиллэр. Дьэ ыксаатым терассаҕа сүүрэн таҕыстым - киһим соҕотох олорор эбит. Икки ыстакааҥҥа пиибэ куттан баран олорор эбит. Мин ол күн куоппутум. Бары өй - төй тутан дьиэбитин бүтэрэн чугаһатан эрэбит. Бир күн хойут масынанан олбуорга киирэн иһэн фара уотугар көрбүппүт киһибит саҥа диэҕэ балкоҥҥа турар эбит. Ол күн эмиэ тэскилээбитим... Ол кэннэ түргэник дьиэни бүтэрэн барбыппыт, массыынанан сылдьан ол дьиэ аттынан биирдэ эмит ааһааччыбын - этим тардар этэ!
Vkontakte.ru "Иччилээх кэпсээннэр" группа.