Биир кун подругабар көх буола хоно тиийдим, абааһылааҕынан биллибит оройуоҥҥа. Баҕар, тугу эрэ внуши гыммытым буоло гынан баран, атын сиргэ оннук чувство суох буолааччы. Кысын этэ, коридордарыгар биир да лаампа суох, хабыс-харана. Мин квартиратын булаары истиэнэни илиибинэн таарыйа-таарыйа баран истим.

Ытыс таhынар ыас хараҥа, киһи ытыһын да сатаан көрбөт. Оннук баран истэхпинэ, ким эрэ кэннибиттэн тыынар курдук. Куттал этэ. Телефонум уотун холбуубун гынан баран, нэһиилэ сырдатар. Аны куттанабын, бу сырдатан истэхпинэ бомж таххан кэлиэ диэн. Кыыһым хоһун син булан тиийээппин кытта ааны аһа биэрээт коридоры сырдатан көрдүм, ким да көстүбэккэ дылы. Ээ чэ, "показалось" дии санаан киирэн хааллым. Үчүгэй баҕайытык кэпсэтэн-сэлэһэн утуйааһын буолла. Уоту араардыбыт. Тус-туспа ороннорго сыттыбыт. Таһырдьаттан уулусса уота киирэр, син балай да сырдык курдук.. Арай, саҥа нухарыйан эрдэхпинэ ким эрэ ааппын ыҥырар. Мин туһээтим дии саныыбын. Ааппын ыҥыр да ыҥыр буолла. Тулуйбакка олоро түстүм, көрө сатаатым. Обычно куттаннахпына хараҥаны тобулу көрөөччүбүн, көстөр буоллаххына көһүн диэн. Оннук хаста да дьаабыланным. Онтон тулуйбакка суорҕаммын үрдүбэр бүрүннүм. Били аҕылыы-аҕылыы ааппын ыҥырар туох эрэ аны үрдүбэр тыынан барда, мин буорайдым. Кыыспын куттамаары тулуйан сыта сатаан кэбистим. Онтон кыысым туран баттатар дии санаан уһугуннара кэлбитигэр ойон туран уоту холбоотум, тула эргичиннээтим. Ол да буоллар кэпсээбэтим. Онтон эмиэ уоту араараатын кытта, олох кулгаахпар бу кэлэн ыҥырар. Ньиэрбинэйдээн ытыы сыспытым уонна кыыспар уоту умат диэн истиэрикэлии сыстым. Киһим сирэйбин-харахпын көрөр, куттаммыппын көрдө эрээри ыйыталаспата. Мин да кэпсиэхпин баҕарбаппын. Оннук уоттаах утуйбуппут. Түүнү быһа эргичиннээн, түлүк-балык утуйдум. Ол кэннэ киниэхэ дьиэтигэр сылдьыбатаҕым. Туох эмэ баар да буоллаҕына, сырсан дьиэбэр тиийиэ диэн. Туох бэйэлээх тыыммытын билигин да билбэппин, билиэхпин да баҕарбаппын.

Ykt.ru Автор: Губка