Быылыыр-былыр биир соҕотох оҕонньор олорбут. Кини соҕотох маҥан ынахтаах эбит. Ынаҕа төрөөрү ыалдьыбытыгар оҕонньор, кэтэһэ сатаан баран, утуйан хаалбыт.

Сарсыарда туран хотонугар тахсыбыта, ортотугар тиийэр кугас батахтаах, мап маҥан эттээх уол оҕо ынаҕы эмэ олорор эбит. Ону көрөн соһуйбут, куттаммыт. “Абааһы төрөөбүт”, - диэн, күрдьэҕинэн үлтү сынньан барбыт. Онуоха ол оҕо көрдөспүт: “Ааттаһабын, өлөрүмэ, биэс да үтүөнү оҥорботоҕум иһин биир үтүөнү оҥоруом! Ийэм баһыгар, түнүк анныгар, бырах, үс хонон баран бэйэбин бэйэм билиниэм”. Оҕонньор бокуойа суох үлтү сынньан барбыт. Оҕо: “Ынахтн ики төгүл кэллим да киһи буолбатым, аны сылгыттан сыһыыга кэлиэм”, - диэбит. Оҕонньор бу оҕону өлөрөн кэбиспит. Үс хонон баан хотоҥҥо, ынах турар сиринэн, муус түннүк үлтү барыар дылы ат кистээбит. Оҕоньор ону тахсан көрбүтэ тэриэлкэ саҕа улахан ат суола чигдини тоҕута үктээн кэлэн барбыт. “Өлөрбөтөҕө буоллар ол оҕо барыа эбит”, - диилэр этэ. Ол тугун бэйэҕит толкуйдаан.

Суруйдум 67 саастаах Екатерина Алексеевна Кашлакова.
“Иччи.Сибиэн.Абааһы”. Спирдонов Е.Г. - Дьокуускай: Бичик, 2010.