Биһиги сайылыктаахпыт, онно билигин ким да олорбот. Урут кыра эрдэхинэ аймахтарбыт игин буолан сайылыыр этибит. Сайылыкпытыгар икки дьиэлээхпит. Биирэ саҥа, биирэ ынырык эргэ.

Эргэ дьиэ ынырык улахан, онно бары олороочубут. Урут ол дьиэҕэ биһи эһээлээхпитин кытта хас да ыал дьукаах олорбут. Ол дьиэттэн тоҕо эрэ наар куттанан тахсабын. Миэбэлэ барыта мастан кыһыллан оноһуллубут. Даже крышата мас. Ынырык улахан барыта саһаран хаалбыт сиэркилэ баар. Мин дьиэҕэ соҕотох буоллахпына хостор ааннара бытаан баҕайытык аһыллан кэлээччилэр. Кими да үрбэт ыппыт эмискэ мээнэ тугу эрэ үрэр курдук буолааччы. Маллар сыппыт сирдэриттэн атын сиргэ баар буолан хаалааччылар. Биирдэ отонноон баран аҕабын кытта сайылыкка сылдьан ааһарга сананныбыт. Уже киэһэрэн эрэр этэ. Арай улахан дьиэ аттынан ааһан иһэн түннүгүнэн туох эрэ дьиэ иһигэр көстөн ааспыта. Куттанан үчүгэйдик өйдөөн көрбөтөҕүм. Кыра кыыс оҕо курдук этэ. Сирэйэ туман курдук. Аҕабар эппиппин итэҕэйбэтэҕэ. Хараҥаҕа куттанан оҥорон көрбүтүн буолуо диэбитэ. Уонна дьиэлээбиппит. Билигин даҕаны ол дьиэттэн этим тардар. Биирдэ кыра сылдьан балтыларбын албыннаатым: "Эргэ сарайга абааһы баар" - диэн. Эрэйдээхтэр итэҕэйдилэр уонна бары көрө бардыбыт. Арай түннүгүнэн көрбүппүт туох эрэ түргэн баҕайытык хамсаата тыас игин тыаһаата. Мин албыннаан баран хата бэйэм бастакынан куттанным. Аҕабытыгар сарылыы сарылыы тиийэн эттибит. Аҕабыт тиийэн көөртө онтукайбыт биир уоруйах уол баар этэ ол уол киирбит эбит.

Ykt.ru Автор: 2101