Галина Матвеева
Биһиэхэ дьоммутугар эһэм быраата, соҕотох оҕонньор сыллата сайылыы кэлэр. Биирдэ ол кэлэ сылдьан куттанан ахан киирдэ (тас дьиэ5э утуйар), түһээтэҕинэ арай хара таҥастаах дьон киирэн:
"Аны сайын биһигинниин барсаҕын, бэлэмнэнээр" диэбиттэр. Дьэ оҕонньор өлүмээри куттаммыт ахан, араастаан уоту аһатта эҥин.
Эһиилги сайын буолла, оҕонньор син биир куттанар. От кэмин саҕана арай оҕонньору кытары аата, араспаанньата, аҕатын аата биир бырааппыт уол эмискэ өлөн хаалта. Палаткаҕа киирэн сыта түһүөм, төбөм ыарыйда диэбит үһү ол иннинэ.
Онон баҕар абааһылар буккуйан атын киһини илдьэ барбыттара буолуо. Эбэтэр, олбуор иһигэр 3 дьиэ турар, ону буккуйбут буолуохтарын сөп, таабырын...
Айталина Колодезникова
Мин эбээм инсуллуу сылдьыбыта. Балыаhаҕа аҕалбыттарын кэннэ сүрэҕэ тохтоон хаалбыт, бырастар өллө диэннэр бырастыынанан сабан баран тахсан барбыттар, онно мин маамам подругата медсестра чүөчэ эбэбин оронтон суллары тардан түhэрэн баран сүрэҕэр массаж оҥорбут, онно үс мүнүүтэ буолан баран эбэм сүрэҕэ тэбэн кэлбит. Өр баҕайы орон тэллэх киhитэ буолан сыппыта, аҥаар өттө барыта параличтаан, сатаан саҥарбат да буола сылдьыбыта. Онтон кэлин арыый бэттэх кэлэн баран кэпсэбитэ: "Хабыс хараҥаҕа ыраах баҕайы сырдык уот көстөрө, онно барбытым да тийбэтэҕим" - диэбитэ.
Галина Матвеева
Мин икки сыллааҕыта Наташа диэн чүөчэм өлбүтэ... Өр баҕайы рактаабыта. Ол ыалдьарын тухары биир балтын, Саргыны кытары сатаан көрсүбэтэҕэ, ол балта кыра оҕолоох буолан сатаан кэлбэтэҕэ. Наташа өлбүт түүнүгэр Саргы түүлүгэр кэлбит, уонна: "Мин бардым, көрсүөхпүт. Кийииппит Иэлэ дууһата манна баар эбит, сатаан барбакка сылдьар, атааран көрүн" - диэбит. Дьэ Саргы соһуйан ахан турбут. Онтон өйдөөбүт, били кийииттэрэ өр сыллааҕыта дьон илиититтэн өлбүтэ, оҕолоро кыра эрдэхтэринэ. Онтон сордонон дууһата баҕар атын дойдуга барбатаҕа буолуо диэн...
http://vkontakte.ru/ "Иччилээх кэпсээннэр" группаттан. группаттан.