Бу ааспыт сайын этэ, мин балтыбынаан ынах көрдүү сыһыыга барбыппыт, алаас саамай түгэҕинэн эргийэ хааман испиппит, мин дьээбилиирим курдук балтыбын сордуу, дьээбэлии испитим, наһаа күүскэ аймаммыппыт, күлэ-үөрэ испиппит, онтон арай тохтоон хааллым, күлбүтүм үөрбүтүм ханна да суох буолан хаалбыта.
Арай доҕор, өйдөнөн кэлбитим мин тоҕо эрэ биир сылгыны көрөн баран турарым, дьэ ол сылгы кэнниттэн уп уһун хап-хара батахтаах маҥан сахалыы халадаай ырбахылаах кыыс тахсан кэлбитэ миигин көрөн баран турара, олох былыргылыы баҕайы быһыылаах кыыс этэ, мин бастаан дөйөн баран турбутум, эмиэ кинини көрөн баран, онтон эмискэ хаһыытыы түһээт дэриэбинэм диэки сүүрэ турбутум. Ууну уу диэбэккэ кытаанах сүүрүү онно баара, балтым туох буолбуппун өйдөөбөккө кэннибиттэн экирэпит этэ. Хайдах сүүрэн кэлбиппин билиҥҥээҥҥэ дылы өйдөөбөппүн, син балачча ыраах сиргэ сылдыбыппыт ээ, уонна оннук түргэнник кэлиэм диэн өйбөр да суоҕа! Билиҥҥээҥҥэ дылы харахпар хатанан хаалбыт, ол кыыс миигин көрөн баран турара, кип киэҥ хараҕынан сиирдии көрөн турарын хаһан да умнубатым буолуо!!!
Anna Kelina, http://vkontakte.ru/ "Иччилээх кэпсээннэр" группаттан. группаттан.