Бу үһүйээни аҕам былырыын кэпсээбитэ. Арай биирдэ бултуу бараллар. Дэриэбинэбититтэн быдан тэйиччи сиргэ.

Онно бэйэлэрэ дьиэлээхтэр, ол эрээри ол күн булт эккирэтэн ыраатан хааланнар аҕыс муннуктаах былыргы балаҕаҥҥа хоноллор. Кэпсээнтэн урут да билигин да иһиттэххэ онно хоммотох ордук үһү. Оннооҕор киирбит киһи тахсыбат дииллэрэ. Уруут уруккуттан манна биир кыра уҥуохтаах, маҥан баттахтаах, кырдьаҕас эмээхсин баарын туһунан олохтоох бары билэрэ. Хайыахтарай? Хонорго быһаарыналлар. Дьиэҕэ киирбиттэрэ ким эрэ баарын курдук ып-ыраас, сып-сылаас үһү. Биир киһиргэс да киһиргэс киһилээхтэр Түөкүн Оппуонньа диэн. Ол киһиэхэ төһө да бу ытык дьиэ диэбиттэрин да иһин истибэтэх. Соһуйуох иһин, наһаа үчүгзйдик хонон тураллар. Сарсыарда дьэ Түөкүммүт дьэ эмээхсиҥҥитин көрдөрбөтүгүт диэбит. Онуоха төһө да айаҕын саба сатааталлар истибэтэх. Хомунан барыы буолбут, бары тахсан барбыттар, арай Түөкүн үтүлүгүн аҥаарын хаалларбыт эбит. Баран ыларга санаммыт, дьоно киниттэн сүүрбэччэ миэтрэҕэ бааллара үһү. Арай доҕоор, били эмээхсинэ хаалларбыт үтүлүгүн аҥаарын, аан аттыгар киниэхэ утары уунан турарын көрөн, киһибит соһуйан, куттанан сүрэҕэ тохтуу сыспыт. Өр балыаһаҕа сытан үчүгэй буолар. Онтон ыла ол сири ырааҕынан сылдьар үһү.

Татьяна Анисимова, http://vkontakte.ru/ "Иччилээх кэпсээннэр" группаттан.