Мария Байрон

Миэхэ кэпсээбиттэрэ реанимациялар, оперблоктар элбэҕи көрөллөр эбит, сорохтор үөрэнэн хааланнар кыһамматтар.

Онно дьоннор хас күн аайы кэриэтэ өлөллөр. Сорох ардыгар түүнүн дежурнайдары уһугуннаран: "тур, дьоҥҥун көр" дииллэр, сорох ардыгар оннооҕор ороннуттан охторон түһэрэллэр, атахтарын, суорҕаннарын тардыалыыллар. Биир билэр киһим оннооҕор өлбүт киһини илэ көрбүт этэ. Түүн үлэтигэр инструмент сууйа турдаҕына хараҕын кырыытынан көрбүтэ...

Иван Дьяконов

Мин куобахтыы сылдьан, дьиэлэн испитим. Күһүн буолан хараҥа эҥин.
Арай көрдөхпүнэ суол ортотугар тох эрэ уһун хап-хара турар. Иҥнэри соҕустук туттан турар. Баҕар тостубут тиит буолуо диэбитим, ама хайаан икки миэтирэлээх мас суол ортотугар туруой. Массына ааспат буоллаҕа. Ону ааһан суол урукаттан баара. Куттанан дьиэбэр быһалыы барбытым. Аны ол баран иһэн эмискэ кустар көтөн киһини соһутан бөҕө. Ытыы сыыспытым =) Этэҥҥэ дьиэбэр тийбитим =)

http://vkontakte.ru/ "Иччилээх кэпсээннэр" группаттан.

Урут үлэбинэн куруутун айаҥҥа сылдьарым.Тэрилтэбит Уазигар соҕотох эр киһи буолан иннигэр суоппар аттыгар олоробун.Ол иһэн суоппарбыт утуктуо диэммин ону маны сэһэргэһэбит. Киэһээ биир бириэмэҕэ нуктаан ылабын. Дьэ онно саҕаланар ээ... Куруук сахалыы таҥастаах дьону көрөбүн. Суол кытыытыгар тураллар уонна дэйбиирдээх илиилэринэн далбаатыыллар, сорохтор аттаах буолаллар. Мин соһуйан уһуктан кэлэбин, суоппарбын көрөбүн - киһим миигин өйдөөбөтөх курдук көрөр, мин нэһиилэ сэргэхсийэбин.Бастаан ыйытар этим: "Сахалыы таҥастаах дьону көрдүн дуо?"- диэн. Киһим көрбүтэ элбэх быһыылаах, кэнники: "Оо, бу киһи, оҥостон утуйуоххун" - диир буолбута.Онтон ыла утуктаатым эрэ кыратык оҥостон утуйан ыларым...Ол гынан баран ол сахалыы таҥастаах дьону умнубаппын...


Автор: Табытал , http://ykt.ru "Сиэр-туом" форум