Валентина Кокорева

Бүлүүгэ "Дабаан" диэн уопсай дьиэ баар СПТУ киэнэ, онно "чүөчэ" сордобут: отой утуйа сытахтарына атахтарыттан да тардыалыыр, суорҕаннарын да былдьыыр.

Сиэркилэҕэ эҥин көстөр үһү, күлүк курдук. Аны часкыйар үһү, сарылааһын бөҕөтө эҥин болар үһү. Аны ыаллыы дьиэҕэ сылгылаах ыаллар балар үһү, онтукалара кистээн бөҕөтө үһү.

Мария Корякина

Мин 2006 сыллаахха дойдубар балтыбынаан уонна кини табаарыһа буолан биэрэккэ күүлэйди сылдьыбыппыт. Халлааммыт син хараҥаран эрэрэ. Бууткаларга тохтоон сынньана олордохпутуна сүүсчэкэ миэтирэ курдук ыраах сиргэ биир уп-уһун киһи тахсан кэлбитэ, хап-хара таҥастаах. Дьэ биһиги ону интириэһиргээн кэнниттэн сырсаччы буолбуппут да киһибитин сиппэтэхпин. Кини тахсан кэлбит сиригэр ыллык да туох да сох этэ, бүтүннүү ойуур. Мин хайдах эрэ этим тардыбыта, куттаммыппын дьоммор эппэтэҕим.

Бөһүөлэккэ кэлэн көрбүппүн эбээбэр кэпсээбитим, ону эбээм уһун киһини көрөр куһаҕаҥҥа диэбитэ. Онтон 4 хонук буолан баран 3 киһи ууга былдьанан, биир кыыс бэйэтигэр тиийинэн өлбүт этилэр.

Уйгу-Лаана Корнилова

Мин бэһис кылаастан көрөр болбутум, бастаан тыастары, онтон күлүктэри, уонна хара дьоннору. Бүтэһик көрбүт иччим тохсус кылааска үөрэнэ сылдьан, дьиэбэр ийэбин кытта хоспор кэпсэтэ сыттыбыт (мин наар сытан эрэ хос аанын көрөр идэлээхпин) ийэм сирэйин көрө олорон эмискэ хоһум аанын эргиллэн көрө түстүм - кыракый кыыс оҕо сүүрэн, сүтэн хаалла, кэннин эрэ көрөн хааллым. Онтон ийэм эмиэ көрбүт этэ (кини аһаҕас эттээх), дьиэбитигэр чөчүөккэлэр бааллар үһү. Өссө үһүөлэр дииллэр, ийэлээх а5ам. Аҕам наар этэр: " Ити биһигини араҥачалыыллар" - диэн.

http://vkontakte.ru/ "Иччилээх кэпсээннэр" группаттан.