Сардаана Верховская

Биһиги кылааһынан оскуолаҕа сылдьан хоно-өрүү походтуу барбыппыт. Күнуһүн дэлби оонньоон, сөтүөлээн баран түүнүн кутаа тула кэпсэтэ олордубут. Оҕолор буоллахпыт, мэниктиирбит, айдаарарбыт ханна барыай...

Онтон арай биир уолбут этэр: "Истин эрэ, ким эрэ анараа биэрэккэ хаамар курдук"... Бары иһиллээтибит, ким эрэ төттөрү-таары үрэх нөҥүө биэрэккэ хаамар курдук... Улаханнык итэҕэйбэтибит, кутаа тыаһа эҥин диэтибит да... Син биир хаамар тыас иһиллэр. Куттанныбыт. Уолаттар ынахтар сылдьаллара буолуо диэтилэр, үрэҕи туораан нөҥүө тахсан көрдүлэр. Ким да суох, сүөһү да суох... Мин тута куттанан палаткаҕа утуйа барбытым. .. Кэнникики истибиппит ити диэки ойууннар уҥуохтара бааллар үһү...

Эльвира Яковлева

Биhиэхэ Таатта Туора-Күөлүгэр. Ача диэн лааҕыр баар, ол лааҕыр төгүрүччү тоҕус ойуун көмүллэ сытар. Түүн аайы оҕолор дьиэ анныгар хотуур тыаһын, эҥин арааһынай тыастары истэллэр быhылааҕа...

Владимир Иванов

Ахсыс кылааһы бүтэрбит сайыммар дьоммун кытта түҥ өрүскэ бултуу - алтыы киирбиппит, киэһэ бырааппын кытта тастыҥ бырааппытын "бу өтөхпүт абааһылаах" эҥин диэн куттаабыппыт, ол түүн утуйа сыттахпына (саатар оһох таһыгар сыппытым) түүн ортото уум быыһынан көрдөхпүнэ үүтээмит аана аһылынна уонна маҥан таҥастаах уп уһун маҥан баттахтаах кып кыһылынан кытара сылдьар харахтаах оҕонньор кэлэн атахпыттан соспута, саатар уолуйан хаалан хаһыытаабаппын, көннөрү ынчыктыыбын. Сиргэ "Бал" гына туһэрдэ, мин олох уолуйан хаалан баран сыттым, ынчыктыыбын эрэ. Онтон аҕам хата уһугунна, онно оҕонньор сүтэн хаалла. Аҕабар тыын булан кэпсээтим, онтон сүрэҕим эҥин ыалдьан түүннэри дэриэбилинээппит. Аҕам кэпсииринэн ол сир иччитэ буолуо диэбитэ.

http://vkontakte.ru/ "Иччилээх кэпсээннэр" группаттан.