Мин олорбут дэриэбинэбэр биир абааһылааҕынан биллибит эргэ дьиэ баара. Онно хантан эрэ саҥа көһөн кэлбит ыаллары игин олордоллоро (инникитин ханна эмит көһөр буоллаххытына, сэрэнээрин).

Бары аҕыйах хоноот, көһөн куотан хаалаллара, эбэтэр атын дьиэҕэ көһөрүн диэн ытаһаллара. (саатар администрациябыт тоҕо оннук гынара эбитэ буолла? Абааһыга итэҕэйбэтэ дуу?). Аттынан аастахха эбэһээт барыаран турар буолара кырдьык, түннүгүнэн ким эрэ маныырын курдук буолааччы. Кыра сылдьан билбэт этибит, ким да кэпсээбэтэ абааһылаах дьиэ диэн. Биирдэ ньургуһуннаан кэлэн иһэн оҕолор киирээччи буолбуппут. Детсад саҕана быһыылаах. Тоҕо киирбиппитин билигин да билбэппин. Онно ньургуһуннарбытын барытын остуол үөһэ эҥин уурбуппут, ким эрэ өлбүтүн курдук. Наһаа ыарахан салгыннаах дьиэ этэ. Биир кэлии оҕонньор олоро сылдьыбыта, кини хас да сылы быһа олороохтообута, ыалдьыттар киирдэхтэринэ наар кимниин эрэ меккуһэ сылдьар буолар эбит. Уонна иһиттэрэ көтө сылдьаллар эҥин үһү. Онтон биирдэ дьиэтигэр өлө сытарын булан ылбыттара. Өссө элбэх оҕолоох ыал күүстэринэн (аймахтарын дьиэтэ этэ) олоро сатаан баран, аҕыйах нэдиэлэнэн көспүттэрэ. Абааһы сүгүннээбэтэх. Дьикти дьиэ. Тула өттө барыта мас, түннүктэрэ нэһиилэ көстөллөр. Хаста да экстрасенстарынан абааһытын ыраастата сатаабыттара да, кыайбатах этилэр. Ол оннук турар буолуохтаах.

Ykt.ru Автора: Губка