Анна Слепцова
Мин кыра сылдьан утуйар хоспор көрөөччүбүн, биир киэhээ куттанан эрдэ утуйбутум, ол утуйа сыттахпына аттыбар ким эрэ илиибиттэн тутарын биллим, уонна уhукта биэрдим. Арай көрбүтүм мин утары хап - хара күлүк турар, киниттэн тымныы кэлэр, ыксаан уоту холбоотум!
Сарсыныгар маамабар кэпсээтим, маамам этэр: "Эдьиийдэххэр кэпсээмэ" - диир. Ол кэннэ уота суох утуйбат буолбутум, мамам фонарик атылаhан биэрбитэ, саамай эрдэ мин утуйааччым. Түүн аайы дьоннорум утуйбуттарын кэннэ саҕаланар ээ, эмиэ оннук кэлэн турар буолаччы, суорҕан анныгар фонарикпын холбоон баран ытыы-ытыы сытааччым, ол сытан аттыбар баарын билэбин! Оннук хас да сылы быhа эрэйи көрбүтүм. Хата бу сылга көрө иликпин.
Даанык Харитонова
Оскуолаҕа сылдьан дьиэм ыраах буолан интернакка олорор этим. Интернат эргэ дьиэ. Ол курдук биирдэ күнүс хоспор соҕотох хаалан баран дьиэ үрдүгэр ким эрэ хаамарын истэн турардаахпын! Биир муннуктан биир муннукка кэллэ, (истэн да олорбутум баар!).Наһаа куттаммытым. Баспытааталбар этэн бэрибиэркэлэппитим. Дьиэ үрдүгэр ким да суох этэ!!! Кэлин, улаатан да баран күлүктэри эҥин биирдэ эмэ көрөөччүбүн :(
Лина Семенова
Биирдэ күhүн эдьиийбинээн оhохпут иннигэр табаахтыы-табаахтыы түүн хойукка диэри сэлэhэ олордубут. Дьоммут бултуу, быраатым утуйа сытар. Арай күүлэҕэ туох эрэ хачыгырыыр, ааны арыйа сатыыр курдук. Куоскабыт сылдьар диэн наадыйбатыбыт, саатар ыппыт үрбэт. Дьиэбитигэр ремонт оҥоро сылдьыбыппыт, ол иhин түннүктэрбит штората суох турбуттара. Арай эдьиийим кытыы түннүгү көрөн баран куп-куhаҕаннык "Киhи турар!" - диэн сарылаата. Хаhыытыы-хаhыытыы хоско сүүрэн киирбиппит, сүрэхпит тохтуу сыста, быраатым ол тухары утуйа сытар. Уоппутун хатаабакка утуйдахпыт дии. Сарсыныгар тахсаммын ол түннүк аннын көрбүтүм, арай атах суола да, туох да суох. Чахчы илэ сылдьыбыт дии санаатым. Онтон өйдөөн көрдөххө протектора суох бачыыҥка суола баар эбит. "Һуу" диэтим ээ. Кэлин истибиппит, биhиги олорор оройуоммутугар соҕотох олорор дьахталларга түннүгүнэн өҥөйөр "маньяк" баар үhү. Эдьиийим адьас кута көтө сыспыт этэ, арай көрдөҕүнэ мап-маҥан сирэй турар үhү ээ. Мин хараҕым мөлтөх буолан көрө да сатаабатаҕым...
http://vkontakte.ru/ "Иччилээх кэпсээннэр" группаттан.