Сунтаартан Миирнэйгэ дылы суол ортотугар туох эрэ улахан сыыр баар үһү. Мин лично көрбөтөҕүм онно, соҕотох айанньыттарга, эбэсээт биир дьахтар олорсон айаннаһар үһү. Сотору-сотору оннук сурахтар кэлээччилэр.
Ол иһин ким да соҕотоҕун айаннаабат буола сатыыр эбит. Биирдэ, иллэрээ сыл, билэр киһим ол суолунан соҕотох айанныыр буолан хаалбыт. Миирнэйтэн кэлэригэр биир да аргыс көстүбэтэх. Хайыай, ыксаан, баҕар олорсуо суоҕа диэн, айаннатан кэлэн испит. Арай, били сыыра чугаһаатар-чугаһаан, бу барыйан кэлбит. Арай, хараҕын кырыытынан сиэркилэтинэн кэнники сидиэнньэлэрин көрөн аһарбыта - маҥан өҥөөх былааччыйалаах кыыс олорсон иһэр үһү. Киһибит куйахата күүрбүт, кутталыттан авариялыана сыспыт. Өссө куһаҕан баҕайы сыт кэлэр үһү. Ону сымыйанан билбэтэҕэ буола-буола, айанныы турбут. Иэнэ кэдэрэҥнии-кэдэрэҥнии Сунтаарга киирэн баран сиэркилэтин көрбүтэ - ким да суох эбит. Хаһан, ханна "түспүтүн" өйдөөн көрбөтөх. Дьиэтигэр кута-сүрэ олус тостон кэлбитэ. Билигин тыыннаах (хата!), эдэр киһи, мээнэ тылласпат эҥин буолбута.
Ykt.ru Автора: Губка