Биир чуөчэ кэпсээбитэ бэйэтин туһунан кини бу сиртэн тэйээхтээбитэ... Кини урут сэбиэскэй былаас эрдэҕинэ кэргэнинээн тыаҕа ыраах оттуу барсар эбит...

Атынан 2-3 хонугунан тиийэр сиргэ айанныыллар эбит... Ол сайын кини 5 ыйдаах бириэминнэй сылдьыбыт...Биир күн айаннаабыттар, иккис күннэригэр биир саҥа тутуллубут дьиэҕэ тохтообуттар... Ол таһыгар эмиэ саҥа дьиэлэр тураллар, киирэр дьиэлэрин аттыгар хап хара өҥнөөх киһи көрөрүн курдук дьикти өйдөөх харахтаах сылгы аһыы сылдьар эбит күрүөҕэ хааллан турар үһү... Дьиэ иһигэр олоро сылдьыбыттара биллэр, таһаҕастара барыта турарынан турар, муннукка оһох турбут оһох үрдүгэр чаанньык турар,ону ыланнар чэй оргутунарга быһаарыммыттар уонна кэргэнэ аскын бэлэмнээ диэн баран мас мастыы тахсан барбыт... Чүөчэ олордоҕуна ким эрэ оһох кэнниттэн кини диэки одуулуур курдук үһү эргиллэн көрдөҕүнэ ким да суох курдук... Оннук балачча олорбут этэ тымныйа тымныйа... Арай 3-4 сыл аннараа өттүгэр тахсыбыт хаһыаттары ааҕа олордоҕуна оҕонньоро көтөн түспүт... Харахтарынан дьиэ иһин түргэн баатык көрүтэлиир үһү уонна түргэнник мантан бара охсуохха диэбит... Эн дьиэ иһигэр тугу да көрбөтүн дуо диэн ыйыппыт онуоха суох диэбит... Оҕонньоро тугу да саҥарбакка илиититтэн сиэтэн баран сүүрэрдии хаампыт... Бэйэлэрин аттарын син балачча ыраах баайбыттар... Тиийбиттэригэр аттара тугу эрэ сиргэнэн хабархаланан өлө сыспыт... Онтон арыычча уоскуйаннар айаннаабыттар... Оттур сирдэригэр тиийэн баран кэпсиир үһү оҕонньоро..... Били хааллан турар сылгыбыт дьиктитик киһи курдук көрөр этэ дьии диэбит... Мин тахсарбар баар этэ онтон сир көрөн баран кэлэрбэр күрүөтүгэр суох этэ өйдөөн көрбөтөҕүн дуо диэбит... Онтон дьиктиргээн күрүө тула хаамтым онтукайым күрүөм ханан да аһыллар аана суох уонна сылгы аһаабыта ханан да көстүэт диэбит... Арааһа бу сир абааһыта сылдьар быһылаах таах сибиэ тохтообуппут диэбит... Күһүөрү ол сыл оҕонньоро ууга түһэн өлөн хаалбыт үһү...

Ykt.ru Автора: Толианна :0))